Markus 2:2 - O Debleskro Drom 2021 (Sinte)

² Koi wan jaake bud menshe an o kheer un glan o wudar khetne, te nai djas buder kek an o kheer dren. Un o Jesus penas lenge o Debleskro lab.

O Evangelio Jezus Kristusester pala Markus 1912 (Sinte)

² Ta has hajerdo, ta job his ani kher, vejen but ketene, keake ta hin len glani vuder kenk kunč buter. Ta job rakerdeslo lenge o lab.

O Debleskro Lab 2024 (Sinte-Manouche)

² Koy van yaake boud menshe an o kheer oun glan o voudar khetne, te nay djas bouder kek an o kheer dren. Oun o Yezous penas lenge o Debleskro lab.

Markus 2:2 ပူးပေါင်းရင်းမြစ်များ

Debleskri gili 40:9

“Miro Dewel, me kamau te krap o djijestar, hoi tu kameh. Un tiro lab hi an miro dji.”

Mateo 5:2

Un job penas ap lende:

Markus 1:14

Har o Johanni stildo was, djas o Jesus an o them Galilea, un sikras i menshende o Debleskro drom.

Markus 1:33

Un i tsele menshe dran o foro wan khetne glan o wudar.

Markus 1:37

Un har hatsan le les, penan le leske: “Hakeno rodell tut.”

Markus 1:45

Un ko mursh djas peske, un rakras bud pral kowa, hoi o Jesus leske kras. Un bud shunan kowa, jaake, te nai djas o Jesus buder gar an i forja dren, har job kamas. Un job his win, kote, kai kek menshe djiwan. Un kote wan le pash leste dran i tsele gaba un forja.

Markus 2:1

Pal i tikno tsiro djas o Jesus pale an o foro Kapernaum. Un bud shunan, kai job an o kheer his.

Markus 2:13

O Jesus djas pale win pash o baro pani. Un bud menshe wan pash leste. Un job sikras len o Debleskro drom.

Markus 6:34

Un o Jesus djas dran o bero win, un dikas kol bud menshen. Kolla khaitan les. Jon his har bakre, kai hi len kek bakrengro, kai dell garda ap lende. Un job rakras lentsa i rah tsiro.

Louka 12:1

Ap ko tsiro wan bud serja menshe khetne, jaake te stakras jek o wawareske ap i pire. Koi penas o Jesus ap peskre malende, gar ap kol wawarende: Denn garda, te rakrenn gar dui tchipjentsa har i Farisarja! Kowa hi har shutlo jarro, hoi krell o tselo jarro shutlo.

Louka 5:17

His i diwes, kai job i menshenge o Debleskro lab penas. Un bud Farisarja un biboldengre tchatchepangre his mashkral lende beshdo. Jon wan dran i themma Galilea un Judea, un dran o foro Jerusalem. Un o Jesus kras i menshen sasto an o Debleskri soor.

Louka 8:1

Un o Jesus djas an i forja un gaba trujel, te penell lo i menshenge o latcho lab, kai o Dewel kamell len dran o tchilatchepen win te lell, un kamell lengro rai te well. Leskre deesh-te-dui mala djan leha.

Louka 8:11

Kanna penau tumenge kowa jaake, te haiwenn tumer kowa: O djob hi o Debleskro lab.

Bičepangre 11:19

An ko tsiro, kai o Stefano maredo was, wan i patsle palla lino. Kolla nashan dran o foro Jerusalem, un djan an i themma Fenicia un Ciprus, un an o foro Antiochia. Un jon penan kote kokres i biboldenge o Debleskro lab, un kek wawarenge.

Bičepangre 14:25

Jon penan i menshenge an o foro Perge o Debleskro lab, un djan dureder an o foro Attalia.

Bičepangre 16:6

O Paulo un o Silas djan dureder. Un har o Debleskro Ducho gar kamas, te penan le o Debleskro lab an o them Asia, djan le an i themma Frigia un Galatia.

Bičepangre 8:25

Har o Petro un o Johanni i menshenge penan, hoi o Jesus penas un kras, djan jon pale an o foro Jerusalem. Ap lengro drom pale wan le an bud gaba an ko them Samaria un sikran kote i menshende o Jesuseskro drom.

Remarja 10:8

Tu hunte rodess buder gar, har te nai weh pash o Debleste. O Debleskro lab penell tuke: Kowa, hoi o Dewel tuke penas, hi pash tute: an tiro mui un an tiro dji. Kau lab rakrell pral o patsepen. Kowa penah mer i menshenge.

2. Timoteo 4:2

Pen i menshenge o Debleskro lab! Kre kowa un muk gar tele, ninna te kamenn i menshe kowa gar te shunell! Sike len lengri doosh! De len trad, te mukenn le o tchilatchepen! Kre lengre djia soreles an o patsepen! Un ab gar khino, te sikress len o tchatcho drom!