Louka 9:52 - O Debleskro Drom 2021 (Sinte)

⁵² Un job bitchras murshen glan peste ap kau drom. Kolla djan, un wan an i gab an o them Samaria. Kote rodan jon leske i kheer, kai nai atchell lo pral i rati.

O Debleskro Lab 2024 (Sinte-Manouche)

⁵² Oun yob bičras morshen glan peste ap kava drom. Kolla djan, oun van an i gab an o them Samaria. Kote rodan yon leske i kheer, kay nay ačell lo pral i rati.

Louka 9:52 ပူးပေါင်းရင်းမြစ်များ

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

Mateo 10:5

Kolla deesh-te-dui mursha bitchras o Jesus pash i menshende, un penas soreles ap lende: Ma djan pash kolende, kai kek bibolde hi! Ma djan an i forja, kai i Samaritarja djiwenna!

Louka 10:1

Pal kowa rodas o Jesus wawar efta-deesh murshen win. Un job bitchras len ap o drom glan peste, te djan le an i forja un gaba, kai job ninna wella. Hako kopo djan dui mursha khetne.

Louka 10:33

Palle djas i mursh, kai was dran o them Samaria ap ko drom, kai ko mursh tchiddo hi. Un har dikas lo les, djas kowa leske phares an o dji.

Louka 17:11

Har o Jesus ap o drom an o foro Jerusalem his, djas lo mank i themma Samaria un Galilea.

Louka 17:16

Job witsras pes glan o Jesuseskre pire tele, un parkras pes. Kowa his i Samaritari.

Louka 7:27

Kolestar hi tchinlo an o Debleskro lab: O Dewel penas ap peskro tchaweste: Me bitchrau i murshes glan tute ap o drom, te krell lo tuke i drom, te nai wess pash i menshende.

Johanni 4:4

Job hunte djas pral ko them Samaria, te well lo an o them Galilea.

Johanni 4:5

Jaake was lo pash ko foro Sichar an o them Samaria. Ko foro his pash ko kotar phub tchiddo, hoi o Jakob peskro tchaweste Josef das.

Johanni 4:9

Koi djuwel penas ap leste: “Tu hal i biboldo. Me hom i Samaritetsa. Har nai mangeh tu mandar pani, te dap tut te pijell? I bibolde chan gar khetne i Samaritentsa.”

Johanni 8:48

“Hi maro gar tchatcho?” penan kol bibolde. “Tu hal i Samaritari un an tute hi o beng, jaake har mer les penam.”