Louka 9:51 - O Debleskro Drom 2021 (Sinte)

⁵¹ Har ko tsiro kai his, te well o Jesus maredo, kras pes lo ap o drom, te djal lo an o foro Jerusalem. Un kek nai rikras les pale.

O Debleskro Lab 2024 (Sinte-Manouche)

⁵¹ Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

Louka 9:51 ပူးပေါင်းရင်းမြစ်များ

2. Rajengro liil 2:11

Un har jon jaake djan un khetne rakran, koi was i jagakro wurdin i grajentsa dran jag un djas mank lende. Un i phurdepen hidjras o Elija an o bolepen.

Markus 16:19

Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Louka 12:50

Glan mande hi i pharo tsiro. Ap mande wenna bare duka. Kamoms, te wals ko tsiro pal mande.”

Louka 13:22

Un o Jesus djas dureder ap ko drom, hoi djas an o foro Jerusalem. Un job was an i gaba un i forja, un sikras i menshende o Debleskro drom.

Louka 17:11

Har o Jesus ap o drom an o foro Jerusalem his, djas lo mank i themma Samaria un Galilea.

Louka 18:31

Un o Jesus las i deesh-te-dui ap i rig un penas lenge: “Shunenn! Mer djah kanna an o foro Jerusalem. Kote well lauter tchatcho, hoi o Debleskre rakepangre pral o Menshengro Tchaweste tchinan:

Louka 19:11

O Jesus his gar dur o forestar Jerusalem, un i menshe patsan, kai ko tsiro kanna kai hi, kai o Dewel sikrella, te hi lo o rai pral i tseli phub. Koi penas o Jesus lenge laba, kai i khatedo tchatchepen dren hi,

Louka 19:28

Har o Jesus kowa penas, djas lo glan lende ap o drom, kai djal an o foro Jerusalem.

Louka 24:51

Un har job jaake rakras, djas lo lendar un was pral an o bolepen hadedo.

Louka 9:57

Un har jon ap o drom his, penas i mursh ap o Jesuseste: “Me kamau tuha te djal, kai tu ninna djah.”

Johanni 13:1

His o diwes glan kol bare diwessa, kai kharenna Passa. O Jesus djinas, kai leskro tsiro was, te mukell lo i phub, te djal lo pale pash peskro dadeste. O tselo tsiro kamas lo kolen o djijestar, kai leskre his. Un job mukas gar tele, te kamell lo len.

Johanni 16:28

Me wom o dadestar, un wom ap kai phub. Un me mukau pale kai phub, un djau pash miro dadeste.”

Johanni 16:5

Kanna djau me pash koleste, kai bitchras man. Un kek tumendar putchell mandar: Kai djah tu?

Johanni 17:11

An i tikno tsiro hom buder gar ap kai phub. Me wau pash tute. Jon hi ap kai phub. Miro dad, tu hal o baro Dewel, rike len an tire wasta, te atchenn jon pash tute, te wenn jon jek, jaake har mer ham!

Johanni 6:62

Hoi krans tumer, te dikans tumer, te djal o Mensheskro Tchawo pale an o bolepen?

Bičepangre 1:2

jaake rah har job gomme gar an o bolepen djas. Glan kowa, kai djas lo an o bolepen, rakras lo kolentsa, kolen job win rodas, te wenn le leskre bitchepangre, un penas lenge an i soor, hoi das les o Debleskro Ducho, hoi jon hunte krenna.

Bičepangre 1:9

Har job kowa penas, was job glan lengre jaka an o bolepen hadedo, un i wolka las les pre.

Efesarja 1:20

hoi kras o Jesus Kristes i mulendar djido, un beshas les ap i tchatchi rig o Deblestar an o bolepen,

Filiparja 3:14

Me nashau ap o Jesuseskro drom dureder, te lap ko shukar koowa, hoi dell o Dewel kolen, kai gar pre dan. Kowa hi o djipen pash leste an o bolepen. Doleske das lo men gole, te djiwas o Jesus Kristeha khetne.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.