Louka 9:44 - O Debleskro Drom 2021 (Sinte)

⁴⁴ “Ma bistrenn, hoi me tumenge penau: Me, o Mensheskro Tchawo, wau an i menshengre wasta dino!”

O Debleskro Lab 2024 (Sinte-Manouche)

⁴⁴ “Ma bistrenn, hoy me t'menge penau: Me, o Mensheskro Čavo, vau an i menshengre vasta dino!”

Louka 9:44 ပူးပေါင်းရင်းမြစ်များ

2. Samuel 24:14

Un o David penas ap o Gad: “Man hi bari traash. Muk men an o baro Debleskro wast te perell! Leskro kamlepen hi baro. Me kamau gar an i menshengro wast perell.”

Mateo 16:21

Un ap ko tsiro penas o Jesus peskre malenge, te hunte djal lo an o foro Jerusalem. Un job penas lenge: “Me hunte lap bud duka ap mande. I bare rashaja, un i biboldengre phureder un tchatchepangre, kolla marenn man. Un pal triin diwessa krell man o Dewel djido.”

Mateo 26:2

“Tumer djinenna, an dui diwessa wenn kol bare diwessa, kai Passa kharenna. Un o Menshengro Tchawes well an i wasta kolendar dino, kai les ap o trushel denna, te merell lo.”

Markus 8:31

Un o Jesus penas peskre malenge: “O Mensheskro Tchawo hunte lell bud duka ap peste. Un i biboldengre phureder un tchatchepangre un i bare rashaja tchiwenn les ap i rig. Un job hunte well maredo. Un pal triin diwessa stell lo pale i mulendar pre.”

Markus 9:31

Un job penas peskre malenge: “O Mensheskro Tchawo well an i menshengre wasta dino, un jon marenn les. Un ap o triinto diwes pal leskro merepen, stell job pale i mulendar pre.”

Louka 1:66

Un lauterenge djas kowa an o dji, kai kowa shunan. Un jon penan: “Hoi well dran kau ternepen?” Un lauter patsan, kai o Debleskri soor ap o tchaweste tchiddo hi.

Louka 18:31

Un o Jesus las i deesh-te-dui ap i rig un penas lenge: “Shunenn! Mer djah kanna an o foro Jerusalem. Kote well lauter tchatcho, hoi o Debleskre rakepangre pral o Menshengro Tchaweste tchinan:

Louka 2:19

I Maria rikras kol tsele laba an peskro dji un mukas len an lakro shero trujel te djal.

Louka 2:51

Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

Louka 24:44

Un job penas: “Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.”

Louka 9:22

Un job penas: “Me, o Mensheskro Tchawo, hunte lap bud duka ap mande. I bare rashaja un i biboldengre phureder un tchatchepangre tchiwenn man ap i rig. Un me hunte wap mulo dino, un pal triin diwessa krell man o Dewel djido.”

Johanni 16:31

“Kanna patsenn tumer?” penas o Jesus.

Johanni 16:4

Te well ko tsiro, hunte djinenn tumer, kai kowa jaake wella, har me les tumenge penom. Me penom tumenge kowa gar, har homs pash tumende. Kanna penau tumenge kowa.

Johanni 19:11

Penas o Jesus: “Tut wals kek soor pral mande, te dals tut o Dewel koja gar. Doleske hi koles, kai das man an tire wasta, bareder doosh har tut.”

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Hebrearja 2:1

Glan i rah tsiro penan i bolepangre mare phurenge, har hunte djan jon ap o Debleskro drom. Koon gar ap o Debleste shunas, un gar ap leskro drom djas, kowa las peskri phagi. Jaake sorelo hi o Debleskro lab. Doleske hunte das mer baro jak ap ko lab, hoi mer shunam, te djiwas pal kowa, un te peras gar ko tchatcho dromestar tele.