Louka 9:39 - O Debleskro Drom 2021 (Sinte)

³⁹ I beng taprell les jaake, kai dell lo ap jek kopo bari gole, un perell ap i phub. Un palle well tchunger dran leskro mui. Ko beng kamell les buder gar te djal mukell, un kamell les te marell.

O Debleskro Lab 2024 (Sinte-Manouche)

³⁹ I beng taprell les yaake, kay dell lo ap yek kopo bari gole, oun perell ap i phoub. Oun palle vell čounger dran leskro mouy. Ko beng kamell les bouder gar te djal moukell, oun kamell les te marell.

Louka 9:39 ပူးပေါင်းရင်းမြစ်များ

Markus 9:18

Un te taprell lo les, witsrell lo les ap i phub. Un les hi tchunger glan o mui, un dandrell i danda khetne, un well har mulo. Un me rakrom tire malentsa, te tradenn le o benges lestar win, un jon haiwan les gar.”

Markus 9:20

Un jon anan o tchawes pash leste. Har dikas o beng o Jesuses, tserdas lo o tchawes kai te koi. Un o tchawo peras ap i phub, rissras pes trujel ap haki rig. Un i tchunger his glan leskro mui.

Markus 9:26

Koi das job gole, un tserdas les soreles kai te koi, un djas lestar win. Un ko tchawo his kote tchiddo, har te well lo mulo. Koi penan kol menshe, kai kote tardo hi: “Job meras.”

Louka 4:35

Un o Jesus das les trad, un penas soreles ap leste: “Ma rake un dja dran leste win!” Un ko beng, kai an ko mursheste hi, witsras ko murshes mashkral i menshende ap i phub, djas dran leste win, un dukras les gar.

Louka 9:38

Mashkral lende his i mursh, kai das bari gole: “Sikepaskro, me mangau tut: Dik ap miro tchaweste! Man hi kokres kau tchawo, kek wawar.

Louka 9:40

Me mangom tire malendar, te tradenn le o benges lestar win. Un jon haiwan kowa gar te krell.”

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.

Debleskro tsiro 9:11

Un len hi i rai pral pende. Kowa hi o bolepaskro pral o telstunepen. Kowa kharell ap hebretikes Abadon. Un ap grichtikes kharell lo Apoljon.