Louka 9:26 - O Debleskro Drom 2021 (Sinte)

²⁶ Kowa, kai ladjell pes mange un mire labenge, koleske ladjau me ninna, te wau me, o Mensheskro Tchawo, pale. Ap ko diwes hi man ko railepen, kai hi ninna miro dades un o Debleskre bolepangren.

O Debleskro Lab 2024 (Sinte-Manouche)

²⁶ Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

Louka 9:26 ပူးပေါင်းရင်းမြစ်များ

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Daniel 7:10

Un i lengsti jag das lestar karje win. Un leske budran serja kope serja. Un deesh-serja kope deesh-serja his glan leste tardo. Un i tchatchepangre raja beshan pen, un i lila wan pre kerdo.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Mateo 26:64

Penas o Jesus: “Awa, hi jaake, har tu penal. Un kanna penau tumenge: Ko tsiro well sik, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo ap i wolke dran o bolepen.”

Markus 8:38

I menshe an kau tsiro hi tchilatcho un mukan o Debles. Kowa, kai ladjell pes mange un mire labenge glan kolende, koleske ladjau me ninna, te wau me, o Mensheskro Tchawo, pale ap i phub. Ap ko diwes hi man o railepen, hoi das man miro dad an o bolepen. Un mantsa wenna o Debleskre bolepangre.

Johanni 12:43

Lenge his budeder moldo, te wenn jon sharedo i menshendar har o Deblestar.

Johanni 5:44

Har nai patsenn tumer mange? Tumer rodenna, te well jek i wawarestar sharedo. Te wenn tumer o Deblestar sharedo, kowa hi tumenge tchi moldo.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Remarja 1:16

Me ladjau gar glan i menshende, te penap lenge o latcho lab o Jesus Kristestar. An kau lab hi o Debleskri soor. Un o Debleskri soor lell kolen dran o tchilatchepen un o merepen win, kai ap ko lab patsenna, – i bibolden un kolen, kai kek bibolde hi.

2. Korintarja 12:10

Doleske hom gar bibachtelo, te hi man kek soor, te lau dawa, te well pharo koowa ap mande, te lenn jon man palla, te well i traash ap mande. Kowa lau o Jesus Kristeske ap mande. Me djinau, te hi man kek soor, palle dell man o Jesus Kristo soor.

Galatarja 6:14

Me djinau jek: An kek tsiro kamau me te sharap man. Me sharau ko trushel kokres, kai maro rai, o Jesus Kristo, meras. Kanna hi mange kowa lauter buder tchi moldo, hoi i menshenge jaake bud moldo hi. Me nashau ko koowa buder gar palla.

1. Timoteo 5:21

Me penau tuke soreles glan o Debleste, un glan o Jesus Kristeste, un glan kol Debleskre bolepangre, te rikress tut ap ko koowa, hoi me tuke kanna penom! Pash hakeneste dja pal o tchatchepen! Ma tserde jekes glan o wawareste!

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

2. Timoteo 2:12

Te rikrah win an o patsepen, wah mer raja leha an o bolepen. Te dah mer les buchoste, dell job men ninna buchoste.

Hebrearja 11:26

O Mose kamas feteder, te lell lo ko praassepen ap peste, hoi ninna o Jesus Kristo ap peste las, har te lell lo o tselo brawlepen an o them Egiptia. Leske his o brawlepen an o bolepen budeder moldo.

Hebrearja 13:13

Doleske djas pash leste win glan o foro, te las o praassepen ap mende jaake, har job o praassepen ap peste las!

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.