Louka 9:1 - O Debleskro Drom 2021 (Sinte)

¹ Pal kowa das lo peskre deesh-te-dui malen pash peste gole, un das len i soor pral i tsele benga, te nai tradenn le len dran i menshende win, un te nai krenn le i nasselen sasto.

O Debleskro Lab 2024 (Sinte-Manouche)

¹ Pal kova das lo peskre deesh-te-douy malen pash peste gole, oun das len i zoor pral i tsele benga, te nay tradenn le len dran i menshende vin, oun te nay krenn le i nasselen sasto.

Louka 9:1 ပူးပေါင်းရင်းမြစ်များ

Mateo 16:19

Me dau tut i klidepaskro, hoi krell o wudar pre, te wenn i menshe ap miro drom. Ap koleste, kai tu peneh: O Dewel las tiri doosh tutar, kolestar hi li krik lino. Ap koleste, kai tu peneh: Tiri doosh atchell ap tute, ap koleste atchell leskri doosh tchiddo.”

Mateo 4:24

Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Mateo 8:9

Jaake har me ninna hunte shunap ap mire pralstunende, jaake hi man ninna lurde, kai hunte krenn, hoi me penau. Me te penau ap jekeste: Dja koi! palle djal lo. Me te penau ap i wawareste: Am kai! palle well lo. Me te penau ap miro budepaskro: Kre kowa! palle krell job kowa.”

Louka 10:1

Pal kowa rodas o Jesus wawar efta-deesh murshen win. Un job bitchras len ap o drom glan peste, te djan le an i forja un gaba, kai job ninna wella. Hako kopo djan dui mursha khetne.

Louka 10:19

Shunenn: Me dom tumen i soor pral o bengeskri tseli soor. Tumer stakrenna ap i sapa un ap i skorpione. Un kek nai dukrell tumen.

Johanni 14:12

Tchatchepah, me penau tumenge: Koon ap mande patsella, krell ninna kowa, hoi me krau. Un job krell bareder koowa har me, kanna, kai djau me pash o dadeste.

Bičepangre 1:8

Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

Bičepangre 3:16

Mer patsah ap leste. Doleske was kau mursh sasto. Tumer prindjrenn les lauter un djinenn, kai job nashas nai gar. Job patsas ap o Jesus Kristeste, un kowa kras les sasto.

Bičepangre 4:30

Sike lende tiri soor! Kre i nasselen sasto, un kre bud baro un sorelo koowa an ko lab o Jesusestar, kai tutar was un tiro budepaskro hi!”

Bičepangre 9:34

O Petro penas ap leste: “Aneas, o Jesus Kristo krell tut sasto. Ste pre un kre kokres tiro tchiben!” Koi stas job sik pre.