Louka 8:8 - O Debleskro Drom 2021 (Sinte)

⁸ Wawar djob peras ap i latchi phub, un was baro, un hidjras sheel kope jaake bud.” Pal kowa das o Jesus gole: “Mukenn kowa an tumaro shero trujel te djal!”

O Debleskro Lab 2024 (Sinte-Manouche)

⁸ Vavar djob peras ap i lači phoub, oun vas baro, oun hidjras sheel kope yaake boud.” Pal kova das o Yezous gole: “Moukenn kova an t'maro shero trouyel te djal!”

Louka 8:8 ပူးပေါင်းရင်းမြစ်များ

1. Mose 26:12

O Isaak tchiwas djob an i phub an ko them. Un o baro Dewel tchiwas peskri soor koi pre. Jaake las o Isaak an ko bersh sheel kope jaake bud djob, har lo an i phub tchiwras.

Gosewe laba 20:12

O kand, hoi shunell un i jak hoi dikell, kol dujen kras o baro Dewel.

Gosewe laba 8:1

O goswepen hi har i dai, kai dell tut gole, har i pheen, kai mukell pes te shunell.

Jeremia 13:15

O baro Dewel rakras tumentsa. Doleske krenn tumare kanda pre, un wenn gar pre-phurdo!

Jeremia 25:4

Bud kope bitchras o baro Dewel leskre rakepangre, kai leske budran. Tumer kaman gar ap lende te shunell, un kran tumare kanda pandlo, un dan kek garda ap lengre laba.

Mateo 11:15

Mukenn kowa an tumaro shero trujel te djal!

Mateo 13:23

Pale wawar menshe hi har koi latchi phub, kai o djob peras. Kolla shunan un haiwan ko lab. An lende well ko patsepen baro. Un lengro djipen sikrella, te kamenn le o Debles, un shunenn le ap leste. Pash kolende hi ko lab har o djob, kai baro wella, un pash jekeste hidjrell lo sheel kope jaake bud. Un pash i wawareste hidjrell lo shob-deesh kope jaake bud. Un pale pash i wawareste hidjrell lo trijanda kope jaake bud.

Markus 4:20

Koi latchi phub hi har o dji kol menshendar, kai shunenn ko lab un krenn kowa, hoi ko lab lenge penella. Pash kolende hi ko lab har o djob, hoi baro was. Un pash jekeste was lo trijanda kope jaake bud, un pash i wawareste was lo shob-deesh kope jaake bud, un pale pash i wawareste was lo sheel kope jaake bud.

Markus 4:23

Mukenn kowa an tumaro shero trujel te djal!

Markus 4:8

Wawar tikno djob peras ap i latchi phub, djas pre un was baro. Kowa was trijanda kope jaake bud. Wawar tikno djob was shob-deesh kope jaake bud. Un wawar tikno djob was sheel kope jaake bud.

Markus 7:16

Shunenn mishto, hoi me tumenge penau!”

Louka 14:35

Ko loon molell tchi buder. Tu nai witsreh les krik. Lenn kowa ap tumaro dji, hoi me tumenge penaua!”

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Louka 8:7

Un wawar djob peras mashkral i subjengre burra, un kol burra wan jaake baro, te las o djob kek ducho buder, un job meras.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

Debleskro tsiro 13:9

Tumer lauter, shunenn mishto, hoi tumenge penau!

Debleskro tsiro 2:11

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, kowa merell gar o duito kopo.”

Debleskro tsiro 2:7

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau te chal ko rukestar, hoi o djipen della, kowa, hoi tardo hi an o Debleskri shukar baar.”

Debleskro tsiro 3:13

Shunenn halauter mishto, hoi o Debleskro Ducho penella ap i patslende!”

Debleskro tsiro 3:6

Shunenn halauter mishto, hoi o Debleskro Ducho penella ap i patslende!”