Louka 8:47 - O Debleskro Drom 2021 (Sinte)

⁴⁷ Har koi djuwel dikas, kai o Jesus lauter djinas, was li glan. Un joi trissas un witsras pes glan leste tele, un penas glan i tsele menshende, hoske joi ap leskro ripen tapras, un kai joi ap jek kopo sasto was.

O Debleskro Lab 2024 (Sinte-Manouche)

⁴⁷ Har koy djouvel dikas, kay o Yezous lauter djinas, vas li glan. Oun yoy trissas oun vitsras pes glan leste tele, oun penas glan i tsele menshende, hoske yoy ap leskro ripen tapras, oun kay yoy ap yek kopo sasto vas.

Louka 8:47 ပူးပေါင်းရင်းမြစ်များ

Debleskri gili 2:11

Budrenn o baro Debleske un darenn lestar, perenn glan leste tele un tchumrenn leskre pire!

Debleskri gili 38:9

Kek soor hi buder an mande, un me hom phagedo. Miro dji hi jaake dareno, kai dau gole i dukatar.

Debleskri gili 66:16

Awenn un shunenn, tumer lauter, kai ap o Debleste patsenna, te penap tumenge, hoi job mange kras.

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Hosea 13:1

His i tsiro, koi trissan i menshe, te rakras o Efrajim. Jaake an-diklo his lo an o them Israel. Palle was i tsiro, koi djas lo o Debleskro dromestar tele, un mukas pes o debleha Baal dren. Kowa his leskro merepen.

Hosea 5:3

Me prindjrau o Efrajim mishto, un kowa hoi o Israel krell, hi gar khatedo glan mande. O Efrajim lubras pes trujel, o Israel kras pes pale-tchiddo.

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Mateo 28:8

Un jon djan sik krik. Lengro dji his pherdo daar un bacht. Un jon nashan, te penenn le o Jesuseskre malenge kowa lauter.

Markus 5:33

Koi djuwel kai djinas, hoi lake djas, trashas un trissas. Un joi was pash leste, un peras glan leste tele ap i phub, un penas leske o tselo tchatchepen.

Louka 8:46

Koi penas o Jesus: “Jek tapras man an. Me haiwom, har soor mandar krik djas.”

Louka 8:48

Un o Jesus penas ap late: “Romnija, tiro patsepen kras tut sasto. Dja mo Debleha!”

Bičepangre 16:29

Un o rai pral o stilepen mangas i momeli, un djas sik pash i stilde. Job trissas un mukas pes glan o Pauleste un o Silaseste tele te perell.

1. Korintarja 2:3

Un har me pash tumende homs, his kek soor an mande, un man his traash.

2. Korintarja 7:15

Kanna hi leskro kamlepen gomme bareder tumenge. Job dikas tumari traash har tumer les pre lan, ninna dikas lo, kai kran tumer lauter, hoi me tumenge penom.

Filiparja 2:12

Mire kamle phrala un phenja, tumer shunan hako tsiro ap kowa, hoi me tumenge penom, har pash tumende homs, ninna kanna, kai gar pash tumende hom. Me penau tumenge: Krenn lauter, te atchenn ap o Debleskro drom, bis te han pash leste! Shunenn ap o Debleste, un trashenn lestar!

Hebrearja 12:28

O Debleskro them an o bolepen, kai khere ham, atchell soreles tardo, un kote djah mer. Doleske parkras men pash o Debleste, shunas ap leste, daras lestar un kras, hoi job kamella!

1. Samuel 16:4

Un o Samuel kras, hoi o baro Dewel leske penas, un djas an o foro Betlehem. Kote wan i phureder dran o foro pash leste, un putchan lestar darenes: “Hoske wal kai? Kharella kawa menge latchepen?”