Louka 8:23 - O Debleskro Drom 2021 (Sinte)

²³ Har jon ap o baro pani his, sowas lo dren. Un i baro diwjo ducho phurdas pral o baro pani. Un o pani was diwjo, un djas pre te tele. Un bud pani was an o bero dren, jaake bud, te kamas ko bero tele te djal.

O Debleskro Lab 2024 (Sinte-Manouche)

²³ Har yon ap o baro pani his, sovas lo dren. Oun i baro divyo dourho phourdas pral o baro pani. Oun o pani vas divyo, oun djas pre te tele. Oun boud pani vas an o bero dren, yaake boud, te kamas ko bero tele te djal.

Louka 8:23 ပူးပေါင်းရင်းမြစ်များ

Debleskri gili 148:8

jag, brishineskre barra, gib un jagakro ducho, un o sorelo phurdepen, hoi krell, hoi job penell.

Debleskri gili 44:23

Tire menshe ham mer. Doleske wah mer o tselo tsiro mulo dino, har wams vieche, hoi wenn maredo.

Jesaja 54:11

Jerusalem, tu bibachtelo foro, pral koleste i baro phurdepen djas, Tut his kek, kai tire swa tele khossas! Dik, me tchiwau tut pale pre kutch barrentsa. Tire telstune barra krau dran safire.

Louka 5:1

His i diwes, kai o Jesus pash o baro pani Genezaret tardo his. Un bud menshe kaman te shunell o Debleskro lab.

Louka 8:22

Was i diwes, kai o Jesus peskre malentsa an i bero djas. Un job penas ap lende: “Djas ap i wawar panjeskri rig!” Un jon uleran ap o baro pani.

Bičepangre 27:2

Mer djam ap o shiffo. Kowa was dran o foro Adramitsjon un uleras an kol forja, kai pash o pani an o them Asia tchiddo hi. Mentsa was ninna i mursh dran o foro Tessalonika. Leskro lab his Aristarcho.

1. Korintarja 15:30

Un hoi hi mentsa? Hoske penah mer o Debleskro lab dureder, te djinah mer, te nai wah mer hako tsiro mulo dino?

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.