Louka 8:2 - O Debleskro Drom 2021 (Sinte)

² Un bud djuwja, kolen job sasto kras, djan ninna leha. Mashkral kol djuwjende his ninna kolla, kai bengen an pende his. Efta benga tradas lo dran i Mariate win, kai kharas ninna Magdalena.

O Debleskro Lab 2024 (Sinte-Manouche)

² Oun boud djouvya, kolen yob sasto kras, djan ninna leha. Mashkral kol djouvyende his ninna kolla, kay bengen an pende his. Efta benga tradas lo dran i Mariate vin, kay kharas ninna Magdalena.

Louka 8:2 ပူးပေါင်းရင်းမြစ်များ

Mateo 4:24

Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Markus 16:1

Har o Debleskro diwes trujel his, djan i Maria dran Magdala un i Maria, koi dai o Jakobestar, un i Salome un ginan djet, hoi sungella mishto, te makenn le les dren.

Markus 16:9

Har o Jesus i mulendar pre stas, sik taissarlake pal o Debleskro diwes, his i Maria dran Magdala koi ersti, kolatar mukas lo pes te dikell. Joi hi koja, kolatar job glan i tsiro efta bengen win tradas.

Louka 23:27

Un bud mursha un djuwja djan o Jesuseske palla ap o drom. Kolla dan bari gole un rowan.

Louka 23:49

Un o Jesuseskre mala un kol djuwja, kai wan leha dran o them Galilea, kolla his i kotar krik tardo un dikan kowa lauter.

Louka 23:55

Kol djuwja, kai wan o Jesuseha dran o them Galilea, kolla djan o Josefeske palla, un dikan, har tchiwas lo o mulo Jesuses an i mulengro kheer.

Louka 8:30

Un o Jesus putchas lestar: “Har khareh tu?” Penas lo: “Legioni.” Ko lab sikrella, te his bud benga an leste.

Johanni 19:25

Tel ko trushel, kai o Jesus pre dino his, his leskri dai un kolakri pheen tardo. Ninna i Maria, kolakro rom o Kleopas hi, un i Maria Magdalena his koi tardo.

Bičepangre 1:14

Kalen lauteren his jek dji un jek djipen un mangan o Debles an. Pash lende his ninna djuwja, un i Maria, o Jesuseskri dai, un o Jesuseskre phrala.