Louka 8:18 - O Debleskro Drom 2021 (Sinte)

¹⁸ Denn jak, te shunenn tumer ap o Debleskro lab! Koon o Debleskro lab an o dji rikrella, kowa haiwell les bud un budeder. Koon o Debleskro lab gar an o dji rikrella, koleske well ninna kowa krik lino, hoi job patsell, te hi les.”

O Debleskro Lab 2024 (Sinte-Manouche)

¹⁸ Denn yak, te shounenn t'mer ap o Debleskro lab! Koon o Debleskro lab an o dji rikrella, kova hayvell les boud oun boudeder. Koon o Debleskro lab gar an o dji rikrella, koleske vell ninna kova krik lino, hoy yob patsell, te hi les.”

Louka 8:18 ပူးပေါင်းရင်းမြစ်များ

Gosewe laba 14:12

Hi menshe koi, kai patsenn, kai lengro drom o tchatcho drom hi, un djinenn gar, kai anell lo len an o merepen.

Mateo 13:12

Koon o Debleskro lab an peskro dji rikrella, kowa haiwell les bud un budeder. Koon o Debleskro lab gar an peskro dji rikrella, koleske well ninna kowa krik lino, hoi job patsell, te hi les.

Mateo 25:29

Hakeno, kai hi les bud, kowa lell budeder. Jaake well les bud brawlepen. Un kowa, kai hi les gar bud, kolestar well ninna kowa krik lino, hoi les hi.

Markus 13:14

An o Debleskro lab hi tchinlo pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura kote tardo, kai hunte well li gar tardo, palle hunte nashenn kolla, kai hi an o them Judea, sik ap i berge!

Louka 19:26

Koi penas o rai: Kones bud hi, kowa lell budeder. Un kowa, kai hi les gar bud, kolestar well kowa ninna krik lino.

Louka 9:44

“Ma bistrenn, hoi me tumenge penau: Me, o Mensheskro Tchawo, wau an i menshengre wasta dino!”

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Bičepangre 17:11

I bibolde an o foro Berea shunan feteder ap o Debleskro lab, har kol bibolde an o foro Tessalonika. Jon shunan o Debleskro lab pengro tselo djijeha, un rodan hako diwes an o Debleskro lab, te djinenn le, te hi kowa tchatcho, hoi o Paulo penas.

Remarja 12:3

O Dewel his latcho ap mande, un das man miri budi, te penap leskro lab. Doleske penau hakeneske tumendar: Kek te hadell pes pral o wawareste un rikrell pes bareder un feteder! Hakeno las peskro patsepen o Deblestar. Doleske hunte well lo gosewo, te dikell lo un te haiwell lo, hoi les o Deblestar dino was.

1. Korintarja 14:37

Te patsell jek tumendar, kai o Dewel rakrell leha, un kai o Debleskro Ducho les o Debleskro koowa sikrell, jaake haiwell job, te hi kawa gar mandar, hoi me kate tchinau. Kawa hi o Deblestar.

1. Korintarja 3:18

Ma chochenn tumen kokres! Koon patsella, te hi lo gosewo ap kai phub, kowa hunte dikell dren, te molella leskro goswepen tchi.

1. Korintarja 8:2

Koon patsella, te hi lo gosewo, kowa djinell gar, hoi tchatcho goswepen hi.

Filiparja 3:4

Me nai sharoms man ninna, te rikrom menshengro koowa. Jek te sharell pes, te hi lo tchinlo ap peskro mass, palle nai sharoms man budeder.

Hebrearja 2:1

Glan i rah tsiro penan i bolepangre mare phurenge, har hunte djan jon ap o Debleskro drom. Koon gar ap o Debleste shunas, un gar ap leskro drom djas, kowa las peskri phagi. Jaake sorelo hi o Debleskro lab. Doleske hunte das mer baro jak ap ko lab, hoi mer shunam, te djiwas pal kowa, un te peras gar ko tchatcho dromestar tele.