Louka 7:8 - O Debleskro Drom 2021 (Sinte)

⁸ Jaake har me ninna hunte shunap ap mire pralstunende, jaake hi man ninna lurde, kai hunte krenn, hoi me penau. Me te penau ap jekeste: Dja koi! palle djal lo. Me te penau ap i wawareste: Am kai! palle well lo. Me te penau ap miro budepaskro: Kre kowa! palle krell job kowa.”

O Debleskro Lab 2024 (Sinte-Manouche)

⁸ Yaake har me ninna hounte shounap ap mire pralstunende, yaake hi man ninna lourde, kay hounte krenn, hoy me penau. Me te penau ap yekeste: Dja koy! palle djal lo. Me te penau ap i vavareste: Am kay! palle vell lo. Me te penau ap miro boudepaskro: Kre kova! palle krell yob kova.”

Louka 7:8 ပူးပေါင်းရင်းမြစ်များ

Louka 7:7

Witar gar hom moldo, te wap me pash tute. Te peneh tu jek lab, jaake well miro budepaskro sasto.

Louka 7:9

Har o Jesus kowa shunas, kras job bare jaka. Un job rissras pes trujel, un penas ap kolende, kai leha djan: “Me penau tumenge: Sawo patsepen hatsom me gar an o tselo them Israel.”

Bičepangre 23:17

O Paulo das i baro lurdes pash peste gole, un penas: “An ko terno murshes pash ko pralstuneste! Job kamell leske tchomone te penell.”

Bičepangre 23:23

O pralstuno lurdo das dui bare lurden pash peste gole, un penas lenge: “Lenn dui-sheel lurden tumentsa, te djan tumer enjenge an i rat an o foro Cesarea. Lenn ninna efta-deesh lurden tumentsa, kai ap i graja klissenna, un dui-sheel wawar lurden.

Bičepangre 23:26

“Me, o Klaudio Lisias, sharau tut, ko themeskro rajes Felix, un penau tuke: Latcho diwes!

Bičepangre 23:31

I lurde lan o Paules, har lenge penlo was, un anan les rati an o foro Antipatris.

Bičepangre 24:23

Un job mukas o Paules pale an o stilepen te anell, un penas ap ko baro lurdeste, te krell job o Pauleske o djipen gar phares, un te well nai hakeno leskre malendar pash leste, te anell lo leske chapaske.

Bičepangre 25:26

Me hunte tchinap i liil o baro rajeske an o foro Rom, te penap leske, hawi doosh kau mursh ap peste anas. Un me djinau gar, hoi te tchinap. Doleske anom les kate glan tumende lauterende, un glan tute, baro rai Agrippa, te shunap, hoi job tuke penella. Jaake djinau me, hoi hunte tchinap.

Kolossarja 3:22

Tumer budepangre, shunenn hako tsiro ap tumare rajende, kolenge tumer hunte budrenna! Ma krenn tumari budi jaake, te sharenn tumen i menshe! Na-a! Budrenn lenge o tchatcho djijestar, un jaake, har kamell o rai Jesus kowa tumendar.