Louka 7:50 - O Debleskro Drom 2021 (Sinte)

⁵⁰ O Jesus penas ap late: “Tu patseh ap mande. Doleske hi tiri doosh tutar krik lino. Dja mo Debleha!”

O Debleskro Lab 2024 (Sinte-Manouche)

⁵⁰ O Yezous penas ap late: “Tou patseh ap mande. Doleske hi tiri doosh toutar krik lino. Dja mo Debleha!”

Louka 7:50 ပူးပေါင်းရင်းမြစ်များ

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Habakuk 2:4

Kawa hi, hoi hunte tchiness pre: Kones i pre-phurdo un i chocheno dji hi, kowa nashrell peskro djipen. Koon an o tchatchepen tardo hi, kowa djiwell dran peskro patsepen ap mande.

Mateo 9:22

Un o Jesus rissras pes trujel, dikas lat, un penas ap late: “Romnija ma traash! Tiro patsepen kras tut sasto.” Un ap kau tsiro was koi djuwel sasto.

Markus 10:52

Penas o Jesus ap leste: “Dja koi! Tiro patsepen kras tut sasto.” Un ap jek kopo dikas job nai pale, un djas leha ap o drom.

Markus 5:34

Job penas ap late: “Romnija, tiro patsepen kras tut sasto. Dja mo Debleha! Tiro nasslepen well buder gar pale.”

Louka 17:19

Un job penas ap kol mursheste: “Ste pre, un dja khere! Tiro patsepen kras tut sasto.”

Louka 18:42

Penas o Jesus: “Palle dik! Tiro patsepen kras tut sasto.”

Louka 7:9

Har o Jesus kowa shunas, kras job bare jaka. Un job rissras pes trujel, un penas ap kolende, kai leha djan: “Me penau tumenge: Sawo patsepen hatsom me gar an o tselo them Israel.”

Louka 8:18

Denn jak, te shunenn tumer ap o Debleskro lab! Koon o Debleskro lab an o dji rikrella, kowa haiwell les bud un budeder. Koon o Debleskro lab gar an o dji rikrella, koleske well ninna kowa krik lino, hoi job patsell, te hi les.”

Louka 8:42

Leskri tchai, kai his deesh-te-dui bersha phuro, his ap o merepen tchiddo. Un les his kek wawar tchawe har koja. Un o Jesus kamas leha te djal. Un bud menshe his trul leste un djan lentsa.

Louka 8:48

Un o Jesus penas ap late: “Romnija, tiro patsepen kras tut sasto. Dja mo Debleha!”

1. Samuel 1:17

Kote penas o Eli ap late: “Dja o Debleha! O Israeleskro Dewel dell tut kowa, hoi tu lestar mangal.”