Louka 7:39 - O Debleskro Drom 2021 (Sinte)

³⁹ Har o Farisari kowa lauter dikas, penas lo ap peste kokres: “Te wals kau rom tchatchepah i Debleskro rakepaskro, hunte djinals lo, hawi djuwel les an-tapras. Job hunte djinals, te hi li pale-tchiddo.”

O Debleskro Lab 2024 (Sinte-Manouche)

³⁹ Har o Farisari kova lauter dikas, penas lo ap peste kokres: “Te vals kava rom čačepah i Debleskro rakepaskro, hounte djinals lo, havi djouvel les an-tapras. Yob hounte djinals, te hi li pale-čiddo.”

Louka 7:39 ပူးပေါင်းရင်းမြစ်များ

2. Rajengro liil 5:20

O Debleskro mursh, o Elisa, les his i budepaskro. Leskro lab his Gehasi. Kowa penas ap peste: “Miro rai mukas o Naaman te djal un las lestar tchi, hoi kowa leske anas. Kau Syrari hunte plaissrals tchomone. Pash o djido Debleste, me nashau leske pal, te dell job man tchomone.”

Gosewe laba 23:7

Les hi dui djia. Ap tute penell lo: “Cha un pi”, an leskro dji kamell lo tute tchi te dell.

Jesaja 65:5

Un jon penenn i wawarenge: Atch krik tuke, ma tape man an! Me taprom ko koowa miro deblestar an. Sawe menshe, penell o baro Dewel, nai dikau me gar glan i jaka. Miri choli pral lende hi har i jag, hoi o tselo diwes chatchell.

Mateo 20:16

Un o Jesus penas dureder: “Dikenn, jaake wenn bud palla tardo, kai kanna glan tardo hi. Ninna wenn bud glan tardo, kai kanna palla tardo hi.”

Mateo 21:11

Un kol bud menshe, kai leha djan, penan lenge: “Kawa hi o Debleskro rakepaskro, o Jesus, kai was dran o foro Nazaret, hoi an o them Galilea tchiddo hi.”

Markus 7:21

Dran o menshengro dji well o tchilatcho koowa, hoi an leskro shero trujel djal. Dran o dji well, te krell lo djungelo bipandlo koowa, te tchorell lo, te dell lo i wawares mulo.

Louka 12:17

Un ko brawelo penas ap peste: Hoi krap kanna? Djinau gar, kai anau nai o tselo djob dren.

Louka 15:2

Kol Farisarja un i biboldengre tchatchepangre his chojemen pral o Jesuseste un penan: “Kau mursh lell i pale-tchidde pash peste pre, un chal lentsa.”

Louka 16:3

Un ko budepaskro penas ap peste: Te nai budrau me buder gar miro rajeske, hoi te krap me kanna? Me nai budrau gar win ap i kotar phub. Un te hunte mangap, ladjau man.

Louka 18:4

I rah tsiro kras ko tchatchepaskro rai lake tchi. Pal i tsiro penas lo ap peste: Tchatchepah, pal o Debleste putchau gar, un witar gar darau i menshendar.

Louka 3:8

Sikrenn i menshende, te djan tumer ap o Debleskro drom, un buder gar ap o tchilatcho drom! Ma penenn, kai o Abraham tumaro dad hi! Kowa anell tumen gar dureder. Me penau tumenge: O Dewel nai krell dran kal barra o Abrahameskre tchawen.

Louka 7:16

Koi was i traash pral lauterende. Un jon sharan o Debles un penan: “I baro Debleskro rakepaskro hi mashkral mende. O Dewel was pash peskre menshende.”

Louka 7:37

Kote his i djuwel an kau foro, koja kras djungelo koowa un hi pale-tchiddo. Un joi shunas, te hi o Jesus an ko kheer. Un joi las i tushni, kai kutch djet dren hi, un was an kau kheer.

Louka 7:38

Un joi his tardo pal o Jesuseste un rowas. Un lakre swa kran leskre pire sapenes. Un joi khossas len peskre ballentsa. Un joi tchumras leskre pire, un makas len o kutch djeteha dren.

Louka 7:40

Koi penas o Jesus ap leste: “Simon, me hunte penap tuke tchomone.” “Sikepaskro, pen les mange!” penas lo.

Johanni 4:19

Penas koi djuwel: “Romeha, me dikau, tu hal i Debleskro rakepaskro.

Johanni 7:12

Ninna kol bud menshe, kai wan koi, rakran pral leste. His menshe mashkral lende, kai penan: “Job hi i latcho mursh.” Wawar penan: “Na-a, job chochella i menshen.”

Johanni 9:24

Kol pralstune bibolde dan koles, kai korelo his, o duito kopo gole, un penan ap leste: “Pen kanna o tchatchepen glan o Debleste! Mer djinah, kai djal kau Jesus gar ap o Debleskro drom.”