Louka 7:37 - O Debleskro Drom 2021 (Sinte)

³⁷ Kote his i djuwel an kau foro, koja kras djungelo koowa un hi pale-tchiddo. Un joi shunas, te hi o Jesus an ko kheer. Un joi las i tushni, kai kutch djet dren hi, un was an kau kheer.

O Debleskro Lab 2024 (Sinte-Manouche)

³⁷ Kote his i djouvel an kava foro, koya kras djoungelo koova oun hi pale-čiddo. Oun yoy shounas, te hi o Yezous an ko kheer. Oun yoy las i toushni, kay kouč djet dren hi, oun vas an kava kheer.

Louka 7:37 ပူးပေါင်းရင်းမြစ်များ

Mateo 21:31

Koon kol dujendar kras kowa, hoi o dad kamas?” Penan le ap leste: “O phureder.” Penas o Jesus: “Tchatchepah, me penau tumenge: Kol bibolde, kai i lowe i Remarjenge dren lenna un hi tumenge pale-tchiddo, un i lubja wenna sikeder ap o Debleskro drom har tumer.

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Louka 19:7

Har jon kowa dikan, his jon chojemen un penan: “Pash i pale-tchiddo djal job an o kheer.”

Louka 5:30

Un i Farisarja un i biboldengre tchatchepangre his chojemen ap o Jesuseste. Un jon penan ap leskre malende: “Hoske chan tumer kolentsa, kai lenna lowe i Remarjenge dren, un kol wawarentsa, kai ninna tchilatcho koowa kran un doleske pale-tchiddo hi?”

Louka 5:32

Me wom gar, te dap ap kolende gole, kai ap o tchatcho drom hi. Na-a! Me wom, te dap kolen gole, kai djan ap o tchilatcho drom, te mukenn le pengro tchilatcho drom, un djan ap o Debleskro drom.”

Louka 7:34

Un me, o Mensheskro Tchawo, me wom, chom un pijom, un mandar penenn tumer: Kawa hi i chapaskro un i pipaskro. Kawa hi i maal kolendar, kai lenn i biboldendar lowe i Remarjenge dren, un i maal kol wawarendar, kai tchilatcho koowa kran un doleske ninna pale-tchiddo hi.

Louka 7:36

Un i Farisari, – leskro lab hi Simon, – mangas o Jesuses: “Ab pash mande te chal!” Un o Jesus djas an leskro kheer, un beshas pes tele, te chal lo leha khetne.

Johanni 11:2

I Maria his koi djuwel, kai ko kutch djet ap o Jesuseskre pire tchoras. Un peskre ballentsa khossas joi leskre pire. Kolakro phraal his o Lazaro. Kowa his nasselo.

Johanni 9:24

Kol pralstune bibolde dan koles, kai korelo his, o duito kopo gole, un penan ap leste: “Pen kanna o tchatchepen glan o Debleste! Mer djinah, kai djal kau Jesus gar ap o Debleskro drom.”

Johanni 9:31

Mer halauter djinah, kai o Dewel ap kekeste shunella, kai djal gar ap leskro drom. O Dewel shunell ap koleste, kai darell lestar un djiwell jaake, har job kamella.

Remarja 5:8

O Dewel sikras, har baro leskro kamlepen menge hi, har meras o Jesus Kristo menge, har mer gomme tchilatche hams.

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.

1. Timoteo 1:9

Mer djinah, o Moseskre laba wan gar tchinlo kolenge, kai pal o tchatchepen djiwenna. Kol laba wan tchinlo kolenge, kai gar pal o tchatchepen djiwenna, un kai gar ap o Debleste shunenna. Kol laba wan tchinlo kolenge, kai gar ap o Debleste patsenna, un krenna, hoi job gar kamella. Kol laba wan tchinlo kolenge, kai lengro dji djungelo hi, un kolenge, kai praassenn o Debles. Kol laba wan tchinlo kolenge, kai marenn o dades un i da, un ninna wawar menshen.

1. Petro 4:18

Kolla, kai hi tchilatcho, un kamenn o Deblestar tchi te djinell, kolenge djal bud djungleder har kolenge, kai kran, hoi o Dewel kamas, ninna te well kolengro djipen ninna phares an ko tchilatcho tsiro.