Louka 6:22 - O Debleskro Drom 2021 (Sinte)

²² Bachtele han tumer, te wenn i menshe chojedo ap tumende, un tchiwenn tumen pale, un praassenn tumen, un rakrenn tchilatches pral tumende, un kowa lauter krenn le doleske, te patsenn tumer ap o Menshengro Tchaweste!

O Debleskro Lab 2024 (Sinte-Manouche)

²² Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Louka 6:22 ပူးပေါင်းရင်းမြစ်များ

Jesaja 65:5

Un jon penenn i wawarenge: Atch krik tuke, ma tape man an! Me taprom ko koowa miro deblestar an. Sawe menshe, penell o baro Dewel, nai dikau me gar glan i jaka. Miri choli pral lende hi har i jag, hoi o tselo diwes chatchell.

Jesaja 66:5

Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

Mateo 10:18

Tumer patsenn ap mande. Doleske anenn le tumen glan i pralstunende un glan i bare rajende, te rakrenn jon i phagi win pral tumende. Kowa well ap tumende, te rakrenn tumer mandar glan lende un glan kolende, kai o Debles gar prindjrenna.

Mateo 10:22

Tumer patsenn ap mande. Doleske wenn i menshe chojedo ap tumende. Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Mateo 10:39

Koon kamell peskro djipen te rikrell, kowa nashrell les. Koon peskro djipen mange nashrella, kowa lell les pale.

Louka 20:15

Un jon witsran les dran ko drakengro them win, un maran les. Hoi krell kanna ko rai pral ko drakengro them i hachentsa?

Louka 21:17

Hakeno hi chojedo ap tumende doleske, kai patsenn tumer ap mande.

Louka 6:21

Bachtele han tumer, kai kanna bokenna. Tumer wenna tchalo. Bachtele han tumer, kai kanna rowenna. Tumer san pale.

Johanni 12:42

Ninna bud kol pralstune biboldendar patsan ap leste. Un jon penan tchi i wawarenge, kai jon ninna ap o Jesuseste patsenna. Jon daran i Farisarendar, te wenn le lendar gar pale-tchiddo kerdo.

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Johanni 17:14

Me penom lenge tire laba. Jon hi gar kai phubjatar, jaake har me hom witar gar kai phubjatar. Doleske hi i menshe ap kai phub chojemen ap lende.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

Johanni 9:34

Koi penan jon ap leste: “Tu, kai boldo hal an o tchilatchepen, kameh kanna maro sikepaskro te well?” Un jon witsran les win.

Bičepangre 22:22

Har kol tsele menshe o Pauleskre laba shunan, dan le lauter gole: “Anenn les krik un denn les mulo!”

Bičepangre 24:5

Mer djinah, kai kau mursh tchilatcho hi, un kai job tchingepen krella mashkral kol tsele biboldende, kai ap i tseli phub djiwenna. Job hi i pralstuno rakepaskro kolendar, kai patsenna ap o Jesus dran Nazaret.

Bičepangre 9:16

Me kamau leste te sikrell, kai hunte lell job bud duka mange ap peste.”

Jakobo 1:12

Bachtelo hi kowa, koon mukell gar peskro patsepen, ninna te well i pharo koowa ap leste. Job hi moldo, te lell lo ko djipen, hoi gar pre-herella. Kawa djipen dell o Dewel kolen, kai les kamenna.

1. Petro 3:14

Tumer krenn, hoi o Dewel tumendar kamella. Nai well, te lenn le tumen doleske palla. Palle han bachtelo. Te denn le tumen trad, ma darenn! Ma trashenn lendar!