Louka 6:12 - O Debleskro Drom 2021 (Sinte)

¹² His i diwes, kai djas o Jesus ap i berga, te rakrell lo o Debleha. Un job atchas i tseli rat un rakras leha.

O Debleskro Lab 2024 (Sinte-Manouche)

¹² His i dives, kay djas o Yezous ap i berga, te rakrell lo o Debleha. Oun yob ačas i tseli rat oun rakras leha.

Louka 6:12 ပူးပေါင်းရင်းမြစ်များ

Debleskri gili 22:2

Mo Dewel, mo Dewel, hoske mukal tu man? Me dau gole ap tute, un tu weh gar ap miri rig. Hoske atcheh dur mandar?

Jesaja 26:9

Ratsjake djal miro dji tuke palla, o ducho an mande rodell tut taissarlake. Te kreh tu o tchatchepen win ap i phub, palle dikenn lauter, kai ap i phub djiwenn, hoi tchatchepen hi.

Daniel 6:10

Jaake mukas o baro rai kau lab pre te tchinell un tchiwas peskro lab tele.

Mateo 5:1

Un har job kol tsele menshen dikas, djas lo ap i berga pre, un beshas pes tele. Un leskre mala wan pash leste, te shunenn les le.

Mateo 6:6

Tu te rakreh o Debleha, palle dja an tiri isema, klide o wudar pal tute, un kote rake o Debleha! Un o baro Dewel, kai hi tiro dad an o bolepen, dikell tut kote. Un job dell o latchepen pale, hoi tu kral.

Markus 1:35

Un taissarlake, glan o diwes, stas lo pre, un djas kote, kai lo kokres hi. Un kote rakras lo o Debleha.

Markus 3:13

O Jesus djas ap i berga, un das kolen pash peste gole, kai job win rodas. Un kolla wan pash leste.

Markus 6:46

Har job bitchras len pestar, djas lo ap i berga, te rakrell lo o Debleha.

Louka 5:16

O Jesus tserdas pes lendar pale, un djas an o mulo them, un rakras kote o Debleha.

Louka 6:11

Koi wan jon chojedo ap o Jesuseste, un rakran khetne, hoi jon o Jesuseha nai krans.

Louka 6:17

Pal kowa djas o Jesus lentsa i berga tele. Un jon wan ap i buchlo kotar them. Koi his bud kolendar khetne, kai leske palla djan, un ap leste shunan. Ninna bud wawar menshe his kote. Un kolla wan dran o tselo them Judea un dran o foro Jerusalem, ninna dran o them, kai i forja Tirus un Sidon tchiddo hi.

Louka 9:18

His i diwes, kote his o Jesus kokres peskre malentsa, un mangas o Debles an. Un pal kowa putchas lo lendar: “Hoi penenn kol menshe, koon me hom?”

Louka 9:28

Pal ochta diwessa las o Jesus o Petres, o Johannes, un o Jakobes, un djas lentsa ap i berga, te rakrell lo o Debleha.

Louka 9:29

Un har job rakras o Debleha, dikas peskro mui wawartchandes win, un leskre koola wan railes bijalo.

Johanni 6:3

Khetne peskre malentsa djas o Jesus ap i berga, un beshas pes lentsa tele.

Kolossarja 4:2

Ma mukenn tele, te mangenn o Debles! Parkrenn tumen hako tsiro pash leste!

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

1. Samuel 15:11

“Man dukella, te tchiwom me o Saules pral o Israel, te well lo lengro baro rai. Job sikras mange o dumo, un kras gar, hoi me leske penom.” Kowa dukas o Samueles an o dji, un job das i tseli rat ap o baro Debleste gole.