Louka 5:19 - O Debleskro Drom 2021 (Sinte)

¹⁹ An kau kheer his jaake bud menshe, te nashte anan le kol nasseles gar dren. Koi djan jon ap o kheer pral pre, lan barra win, un mukan ko tchiben mashkral i menshende glan o Jesuseste tele.

O Debleskro Lab 2024 (Sinte-Manouche)

¹⁹ An kava kheer his yaake boud menshe, te nashte anan le kol nasseles gar dren. Koy djan yon ap o kheer pral pre, lan barra vin, oun moukan ko čiben mashkral i menshende glan o Yezouseste tele.

Louka 5:19 ပူးပေါင်းရင်းမြစ်များ

2. Samuel 11:2

His jek diwes, har i rati was, stas o David dran peskro tchiben pre, un djas pral ap peskro kheer. Koi dikas job pral tele, un dikas i djuwjat, kai thowell pes. Un koi djuwel his shukar.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Mateo 10:27

Kowa, hoi me tumenge tchorchanes penau, kowa penenn i menshenge jaake, te shunell les hakeno! Un kowa, hoi tumenge an o kand penlo wella, kowa penenn i tsele menshenge!

Mateo 24:17

Kowa, kai pral ap o kheer hi, hunte djal buder gar an peskro kheer dren, te lell lo peskro koowa win.

Markus 2:4

Kolla anan les nashte gar pash o Jesuseste, jaake bud menshe his trul leste. Koi djan jon ap o kheer pral pre, lan barra win, un mukan ko tchiben o nassleha glan o Jesuseste tele.

5. Mose 22:8

Te kreh tu tuke i newo kheer, pale tchiwess i rikepen trul i dacha, te perell kek tele un tut hi doosh ap leskro merepen.

1. Samuel 9:25

Palle djan le pale i pralstuni platsa tele an o foro, un kran o Sauleske i tchiben pral ap o kheer.