Louka 5:17 - O Debleskro Drom 2021 (Sinte)

¹⁷ His i diwes, kai job i menshenge o Debleskro lab penas. Un bud Farisarja un biboldengre tchatchepangre his mashkral lende beshdo. Jon wan dran i themma Galilea un Judea, un dran o foro Jerusalem. Un o Jesus kras i menshen sasto an o Debleskri soor.

O Debleskro Lab 2024 (Sinte-Manouche)

¹⁷ His i dives, kay yob i menshenge o Debleskro lab penas. Oun boud Farisarya oun biboldengre čačepangre his mashkral lende beshdo. Yon van dran i themma Galilea oun Youdea, oun dran o foro Yerusalem. Oun o Yezous kras i menshen sasto an o Debleskri zoor.

Louka 5:17 ပူးပေါင်းရင်းမြစ်များ

Mateo 11:5

I korele dikenna pale un i bange nashenna pale. I nassele, kai lengro mass ap lende tele merell, kolla wenna sasto. Kolla, kai nai shunan gar, shunenna kanna. I mule wenna djido. I tchorwele shunenn o Debleskro latcho lab.

Mateo 15:1

Ap ko tsiro wan i Farisarja un i biboldengre tchatchepangre dran o foro Jerusalem pash o Jesuseste, un penan ap leste:

Markus 1:45

Un ko mursh djas peske, un rakras bud pral kowa, hoi o Jesus leske kras. Un bud shunan kowa, jaake, te nai djas o Jesus buder gar an i forja dren, har job kamas. Un job his win, kote, kai kek menshe djiwan. Un kote wan le pash leste dran i tsele gaba un forja.

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Markus 3:22

Un i biboldengre tchatchepangre, kai wan dran o foro Jerusalem tele, penan: “O pralstuno beng hi an leste!” Un jon penan ninna: “O pralstuno beng das les i soor, te nai tradell job i bengen win.”

Markus 5:30

Un o Jesus haiwas pestar, kai djas i soor lestar win, un rissras pes trujel, un penas ap i menshende: “Koon tapras ap miro ripen?”

Markus 7:1

Jek diwes wan i Farisarja un biboldengre tchatchepangre dran o foro Jerusalem khetne pash o Jesuseste.

Louka 15:2

Kol Farisarja un i biboldengre tchatchepangre his chojemen pral o Jesuseste un penan: “Kau mursh lell i pale-tchidde pash peste pre, un chal lentsa.”

Louka 2:46

Pal triin diwessa hatsan le les an o Debleskro baro kheer. Un job his beshdo mashkral i sikepangre. Un job shunas, hoi jon rakran, un job putchas bud lendar.

Louka 5:21

Un i biboldengre tchatchepangre un i Farisarja penan jek ap o wawareste: “Koon hi kau mursh, kai krell pes har o Dewel? O Dewel kokres nai lell i doosh i menshendar.”

Louka 5:30

Un i Farisarja un i biboldengre tchatchepangre his chojemen ap o Jesuseste. Un jon penan ap leskre malende: “Hoske chan tumer kolentsa, kai lenna lowe i Remarjenge dren, un kol wawarentsa, kai ninna tchilatcho koowa kran un doleske pale-tchiddo hi?”

Louka 6:19

I tsele menshe kaman les an te taprell. I bari soor was dran leste, un kras lauteren sasto.

Louka 7:30

Kol Farisarja un kol biboldengre tchatchepangre, kran o Debleskro lab penge tchitcheske. Jon mukan pen gar o Johannestar te taufrell.”

Louka 8:46

Koi penas o Jesus: “Jek tapras man an. Me haiwom, har soor mandar krik djas.”

Johanni 3:10

O Jesus putchas lestar: “Tu hal i sikepaskro an o them Israel un djineh kowa gar?

Johanni 3:21

Koon o tchatchepen krella, kowa well pash i momeli. Ap koleste dikenn le, kai job djiwella, har o Dewel kamella.”

Bičepangre 19:11

Un o Dewel his pash o Pauleste, un job nai kras bud baro un sorelo koowa an o Debleskri soor.

Bičepangre 4:30

Sike lende tiri soor! Kre i nasselen sasto, un kre bud baro un sorelo koowa an ko lab o Jesusestar, kai tutar was un tiro budepaskro hi!”

Bičepangre 5:34

Mank kol pralstunende his i Farisari, leskro lab his Gamalijel. Job his i biboldengro tchatchepaskro un an-diklo pash i tsele biboldende. Un kowa stas pre un penas: “Bitchrenn len i tikno tsiro win!”