Louka 5:1 - O Debleskro Drom 2021 (Sinte)

¹ His i diwes, kai o Jesus pash o baro pani Genezaret tardo his. Un bud menshe kaman te shunell o Debleskro lab.

O Debleskro Lab 2024 (Sinte-Manouche)

¹ His i dives, kay o Yezous pash o baro pani Genezaret tardo his. Oun boud menshe kaman te shounell o Debleskro lab.

Louka 5:1 ပူးပေါင်းရင်းမြစ်များ

4. Mose 34:11

Un dureder tele fun Shefam bis Ribla. Kowa hi ap kai rig o forestar Ajin, kai o kham pre djal. Pal kowa djal tele kol tikne berge pash o pani Kinneret, kote, kai o kham pre djal,

Mateo 11:12

Har o Johanni was un i menshen taufras, was o Debleskro newo tsiro. An kau tsiro dell o Dewel i menshen pash peste gole, te djan le ap leskro drom. Un bis kau diwes kamenn tchilatche menshe i sorjah o Debleskri budi paash te krell. Jon kamenn te well len penepaske koi pral.

Mateo 14:34

Un jon uleran wergel un wan an o them Genezaret.

Markus 3:9

Un o Jesus kras bud menshen sasto. Doleske wan lauter, kai nasselo hi, pash leste. Un hakeno kamas les an-taprell, te well lo sasto. Koi penas o Jesus ap peskre malende, te anenn le leske i tikno bero, kai job nai pre djala, te well lo gar paash stakedo.

Markus 4:1

Un pale djas o Jesus pash o baro pani, un penas i menshenge o Debleskro lab. Un pash leste wan jaake bud menshe khetne, te hunte djas job an i bero, hoi an o pani tchiddo his. Un job beshas pes kote, un kol tsele menshe his pash o pani tardo.

Markus 5:24

Un job djas leha. Un bud menshe djan leske palla un his trul leste.

Markus 6:53

Un jon uleran wergel pral o pani un djan ap o them pash o foro Genezaret.

Louka 12:1

Ap ko tsiro wan bud serja menshe khetne, jaake te stakras jek o wawareske ap i pire. Koi penas o Jesus ap peskre malende, gar ap kol wawarende: Denn garda, te rakrenn gar dui tchipjentsa har i Farisarja! Kowa hi har shutlo jarro, hoi krell o tselo jarro shutlo.

Louka 5:2

Un job dikas dui bere pash o pani tchiddo. I matchepangre djan dran lende win, te thowenn le pengre matchengre gone.

Louka 8:22

Was i diwes, kai o Jesus peskre malentsa an i bero djas. Un job penas ap lende: “Djas ap i wawar panjeskri rig!” Un jon uleran ap o baro pani.

Louka 8:23

Har jon ap o baro pani his, sowas lo dren. Un i baro diwjo ducho phurdas pral o baro pani. Un o pani was diwjo, un djas pre te tele. Un bud pani was an o bero dren, jaake bud, te kamas ko bero tele te djal.

Louka 8:33

Koi wan kol benga dran o mursheste win, un djan an kol balende. Un kol tsele bale wan diwjo, un nashan i berga tele, un stan an o baro pani, un tassan.

Louka 8:45

“Koon tapras ap miro ripen?” putchas o Jesus. Un hakeno das buchoste. Penas o Petro leske: “Rai, bud menshe hi trul tute, un taprenn tut an.”

Johanni 1:40

Jek kol dujendar, kai shunan, hoi o Johanni penas, un o Jesuseha djan, his o Andreas. Leskro phraal his o Simon Petro.

Johanni 6:1

Pal i tsiro djas o Jesus ap i wawar rig o baro panjestar Galilea. Ko pani kharella ninna Tiberias.

5. Mose 3:17

Ap i rig, kai o kham tele djal, djal o them bis pash o lengsto pani Jordan, un kote fun o pani Kinneret bis pash o Londo Baro Pani, un bis tella pash i berga Pisga, kote kai o kham pre djal.

Hebrearja 13:7

Ma bistrenn, har kolla pengro djipen djiwan, kai penan tumenge o Debleskro lab, un sikran tumen leskro drom! Dikenn, har jon djiwan un meran, un soreles an o patsepen tardo his! Djan jaake ap o Jesuseskro drom har jon djan!

Josua 12:3

O Sihon his ninna o rai pral o them, hoi ap koi rig o panjestar Jordan tchiddo hi, kai o kham pre djal, fun o pani Kinneret bis pash o Londo Baro Pani, kai o drom pash o foro Bet-Jeshimot djal un dureder kote, kai o kham pralstunes tardo hi, bis tele pash koi berga, hoi kharell Pisga.