Louka 4:6 - O Debleskro Drom 2021 (Sinte)

⁶ Un o beng penas leske: “Kol tsele themma un lengro brawlepen kamau me tute te dell. Kawa lauter hi miro, un me dau kowa koneste me kamau.

O Debleskro Lab 2024 (Sinte-Manouche)

⁶ Oun o beng penas leske: “Kol tsele themma oun lengro bravlepen kamau me toute te dell. Kava lauter hi miro, oun me dau kova koneste me kamau.

Louka 4:6 ပူးပေါင်းရင်းမြစ်များ

Ester 5:11

Glan lende phurdas pes o Haman pre un penas lenge, har baro leskro brawlepen hi, un kitse mursh tchawe les hi, un har hadas les o baro rai un tchiwas les pral i tsele pralstunende un pral i tsele rajeskre budepangre.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jesaja 5:14

O mulengro them bokell pal lende un kras peskro mui dur pre, un peskri meen jaake dur har djal, un chal i brawelen un kol wawaren, kai i bachtjatar gole dan un khelan.

Louka 4:7

Tu te mangeh man an, palle dau me lauter tute.”

Johanni 12:31

Kanna well i phagi pral i tseli phub wi-rakedo. Kanna witsrell o Dewel koles win, kai hi o rai pral kai phub.

Johanni 14:30

Man hi buder gar bud tsiro, te rakrap tumentsa. O beng, kai hi o rai pral kai phub, wella. Les hi kek soor pral mande.

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

2. Korintarja 11:14

Pral kolende hunte krenn tumer kek bare jaka. Ninna o beng krell jaake, har te wals lo o Debleskro bolepaskro.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

1. Petro 1:24

An o Debleskro lab hi tchinlo: I tsele menshe hi har o senlepen un har shukar blume. O senlepen merella, un i blume perenn tele.

1. Johanni 5:19

Mer djinah, kai ham o Deblestar. I tsele wawar menshe ap i phub hi an o bengeskro wast.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 13:2

Un ko viecho, hoi me dikom, his har i bari diwji margodja. Leskre herja his baro un sorelo. Un an leskro mui his bare danda. Un ko baro lolo sap das les peskri soor un peskro beshepaskro, te was ko viecho i baro rai, koles bud penepaske hi.

Debleskro tsiro 13:7

Un o Dewel mukas o vieches te kurell lo pes o Debleskre menshentsa, un mukas, te well lo sorleder har jon. Un kol vieches was i soor pral i menshende dran hake themma, haki natsjona, haki harmenatsjona un hako rakepen.