Louka 4:41 - O Debleskro Drom 2021 (Sinte)

⁴¹ Un dran bud menshende, kai his benga an lende, djan i benga win. Un har jon win wan, dan le gole: “Tu hal o Debleskro tchawo.” Un o Jesus das len trad, un mukas len gar te rakrell. I benga djinan, kai job ko baro rai hi, kolestar o Dewel penas, te well job.

O Debleskro Lab 2024 (Sinte-Manouche)

⁴¹ Oun dran boud menshende, kay his benga an lende, djan i benga vin. Oun har yon vin van, dan le gole: “Tou hal o Debleskro čavo.” Oun o Yezous das len trad, oun moukas len gar te rakrell. I benga djinan, kay yob ko baro ray hi, kolestar o Devel penas, te vell yob.

Louka 4:41 ပူးပေါင်းရင်းမြစ်များ

Mateo 26:63

O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Mateo 4:3

Koi was o beng pash leste, un penas: “Te hal tu o Debleskro tchawo, rake ap kol barra, te well lendar maro!”

Mateo 8:16

Un har i rati was, anan le bud menshen pash leste, kai hi benga an lende. Un job rakras soreles ap i bengende, te djan le dran i menshende win. Un jon wan win. Ninna kras lo lauteren sasto, kai nasselo hi.

Mateo 8:29

Un jon dan gole: “Hoi kameh tu mendar, Debleskro tchawo? Wal tu pash mende, te dukress men tu glan o tsiro, kai rakrell o Dewel i phagi pral mende win?”

Mateo 8:4

Un o Jesus penas ap leste: “Shun, pen kekeske, hoi me tuke krom! Dja an o Debleskro baro kheer pash o rashajeste un sike leste, kai tiro nasslepen tutar djas! Un an kowa glan o Debleste, hoi o Mose penas, te djinenn i menshe, kai tu sasto wal.”

Markus 1:25

Un o Jesus das les trad un penas ap leste: “Ma rake un dja dran leste win!”

Markus 1:32

Ap i rati, har o kham tele djas, anan jon pash leste i tsele nasselen un kolen, kai his benga an lende.

Markus 1:34

Un job kras bud nasselen sasto, un las bud nasslepen lendar. Ninna bud bengen tradas lo win un mukas len gar rakrell. Jon djinan, koon job hi. Doleske mukas o Jesus len gar te rakrell.

Markus 3:11

Un har kol menshe, kai benga an lende his, les dikan, peran jon glan leste tele, un dan gole: “Tu hal o Debleskro tchawo!”

Louka 4:39

Un job djas pash late, un penas ap ko nasslepen: “Dja tuke!” Un ko nasslepen djas latar. Un joi stas sik pre, un anas lenge i chapen.

Johanni 20:31

Kawa was tchinlo, te patsenn tumer, kai o Jesus ko baro rai hi, kolestar o Dewel penas, te well job. Job hi o Debleskro tchawo. Un te patsenn ap leste, lenn tumer o tchatcho djipen lestar.

Jakobo 2:19

Tu patseh, kai dell jek Dewel kokres. Mishto, kre kowa! Ninna kol benga patsenn kowa un trashenna.