Louka 4:4 - O Debleskro Drom 2021 (Sinte)

⁴ Koi penas o Jesus: “An o Debleskro lab hi tchinlo: O maro kokres rikrell i menshes gar djido.”

O Debleskro Lab 2024 (Sinte-Manouche)

⁴ Koy penas o Yezous: “An o Debleskro lab hi činlo: O maro kokres rikrell i menshes gar djido.”

Louka 4:4 ပူးပေါင်းရင်းမြစ်များ

2. Mose 23:25

Mangenn man, tumaro baro Debles, kokres an! Palle krau, te hi tumen doha maro un bud pani. Un me lau hako nasslepen, hoi mashkral tumende hi, tumendar krik.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Jeremia 49:11

“Te hal buder gar koi, dau me tire tchawen, hoi len hunte well, djipaske. Un kol djuwja, kolengro rom meras, jon nai djinenn: Me wau lenge ap i rig.”

Mateo 4:4

Penas o Jesus: “An o Debleskro lab hi tchinlo: O maro kokres rikrell i menshes gar djido. Job djiwell dran hako lab, hoi o Dewel rakrella.”

Mateo 6:31

Ma darenn un ma penenn: Hoi chas? Hoi pijas? Hoi riwas?

Louka 22:35

Un job penas ap peskre malende: “Har me tumen ap o drom bitchrom, his tumen kek lowe, witar kek gono un kek kircha pash tumende. His tumen bok? His tumen trush?” Penan le: “Na-a, gar jek kopo!”

Louka 4:10

An o Debleskro lab hi tchinlo: O Dewel penas ap pengre bolepangre, te denn le jak ap tute.

Louka 4:3

Un o beng penas ap leste: “Te hal tu o Debleskro tchawo, pen ap ko bar, te well lestar i kotar maro!”

Louka 4:8

Koi penas o Jesus: “An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

Efesarja 6:17

Ma bistrenn, te las tumen o Jesus Kristo dran o tchilatchepen un o merepen win! Kowa hi tumenge har i sasterni stadi ap tumaro shero. Lenn ninna o Debleskro lab an tumaro wast. Kowa hi har i charo, hoi dell tumen o Debleskro Ducho.

5. Mose 8:3

Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.