Louka 4:22 - O Debleskro Drom 2021 (Sinte)

²² Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”

O Debleskro Lab 2024 (Sinte-Manouche)

²² Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Louka 4:22 ပူးပေါင်းရင်းမြစ်များ

Debleskri gili 45:2

Miro dji hi pherdo shukar laba i giljake, hoi kamau te giwap miro baro rajeske. Miri tchip hi har i tchinepaskro jekestar, kai haiwell mishto laba te tchinell.

Debleskri gili 45:4

Tchip tiro charo ap tiri rig, tu tchatcho mursh, un sike tiro railepen un soor!

Gosewe laba 10:32

O rakepen kolestar, kai an o tchatchepen tardo hi, krell bachtelo. O rakepen i tchilatchendar dukrell.

Gosewe laba 16:21

Kowa kai haiwell, hoi mishto un gar mishto hi, kowa well kharedo ‘gosewo mursh’. Un jek, kai latche laba hatsell, hi i latcho sikepaskro.

Gosewe laba 25:11

I lab rakedo an o tchatcho tsiro, hi har sonakangre phabja an i rupeno tcharo.

Sikepaskro 10:12

O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Kamlepaskri gili 5:16

Leskro rakepen hi gudlo, un halauter ap leste hi kamlo. Kowa hi miro pirno; awa, kowa hi miro maal, tumer tcha dran o foro Jerusalem!

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Louka 2:47

Lauter, hoi shunan, hoi job lenge penas, kran bare jaka, jaake gosewo his kau tchawo.

Louka 2:48

Un har leskro dad un leskri dai les kote dikan, atchas lenge o rakepen krik. Un leskri dai penas ap leste: “Tchawa, hoske kreh tu mentsa sawo koowa? Me un tiro dad, har rodam tut, hams i darjatar mulo.”

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Louka 4:21

Un job penas ap lende: “Kau diwes nai dikenn tumer, te hi kau lab o tchatchepen.”

Johanni 1:45

O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”

Johanni 6:42

“Hi kowa gar o Jesus, ko Josefeskro tchawo?” penan jon. “Mer prindjrah leskro dades un leskri da. Har nai penell lo: Me wom dran o bolepen?”

Johanni 7:46

“Har kawa mursh rakras, shunam mer maro tselo djipen gar!” penan i kliste ap lende.

Bičepangre 6:10

O Debleskro Ducho das les goswepen, te nai rakras kek lendar leske pale.

Tito 2:8

Pen les lenge jaake, te nai penell kek, kai kowa gar tchatcho hi, hoi tu peneh! Palle nai rakrenn kolla gar djungeles pral mende, kai hi chojemen ap mende. Na-a, jon ladjenn pen.