Louka 3:3 - O Debleskro Drom 2021 (Sinte)

³ Un o Johanni djas an o them pash o pani Jordan trujel, un penas i menshenge: “Mukenn tumaro tchilatcho drom! Un djan ap o Debleskro drom! Un mukenn tumen te taufrell! Un o Dewel lell tumari doosh tumendar krik.”

O Debleskro Lab 2024 (Sinte-Manouche)

³ Oun o Yohanni djas an o them pash o pani Yordan trouyel, oun penas i menshenge: “Moukenn t'maro čilačo drom! Oun djan ap o Debleskro drom! Oun moukenn t'men te taufrell! Oun o Devel lell t'mari doosh t'mendar krik.”

Louka 3:3 ပူးပေါင်းရင်းမြစ်များ

Mateo 3:11

Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

Louka 1:16

Un job anell bud menshen an Israel pash o Debleste.

Louka 1:77

Leskre menshende sikreh tu, har nai well lengri doosh krik lino, jaake te djan le gar nashedo.

Louka 4:1

Un o Jesus his pherdo Debleskro Ducho. Un job mukas o them pash o pani Jordan. Un o Debleskro Ducho anas les an o mulo them.

Johanni 1:28

Har o Johanni kowa rakras, his job an o foro Betani ap i wawar rig o panjestar Jordan, kote, kai taufras lo i menshen.

Johanni 3:26

Un jon djan pash o Johanneste, un penan leske: “Sikepaskro, ko mursh, kai his pash tute ap o wawar panjeskri rig, pral koleste rakral, un bud menshe shunan kowa, kowa hi kate, un taufrell i menshen. Un hakeno djal pash leste.”

Bičepangre 13:24

Glan ko tsiro, kai o Jesus ap i menshende rakras, penas o Johanni i tsele menshenge an o them Israel, te mukenn le pengro tchilatcho drom, un djan ap o Debleskro drom, un te mukenn le pen te taufrell.

Bičepangre 19:4

Koi penas lenge o Paulo: “O Johanni taufras kolen, kai kaman te sikrell, kai mukan le pengro phuro djipen. Un job penas i menshenge, te hunte patsenn le ap koleste, kai pal leste wella. Un kowa hi o Jesus.”

Bičepangre 22:16

Un kanna ste pre! De leskro lab an-gole! Un muk tut te taufrell, un tiri doosh tele te thowell!”