Louka 24:44 - O Debleskro Drom 2021 (Sinte)

⁴⁴ Un job penas: “Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.”

O Debleskro Lab 2024 (Sinte-Manouche)

⁴⁴ Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Louka 24:44 ပူးပေါင်းရင်းမြစ်များ

1. Mose 14:18

Un o Melchisedek, ko rai pral o foro Salem, anas lenge maro un mool dran o foro. Job his i rashai ko Deblestar, kai hi o Dewel pral halauter.

1. Mose 22:18

Tu kral, hoi me tuke penom. Doleske djal koi bacht, hoi dau tire menshende, dureder ap i tsele natsjone, kai ap i phub hi.”

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

Debleskri gili 118:22

Ko bar, hoi i budepangre ap i rig witsran, kowa was ko sorelo bar, ap koleste o kheer tardo hi.

Jesaja 28:16

Doleske penell o baro Dewel, maro rai: Ap i berga Zion tchiwau i sorelo bar, ap koleste miro kheer tardo well. Sorelo un kutch hi ko bar un rikrell lauter win. Ap leste hi tardo: Koon ap mande patsell, nashell peske gar.

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Jeremia 33:14

Tchatchepah, penell o baro Dewel, ko tsiro wella, kai mukau ko latcho lab tchatches te well, hoi me penom ap o khereste Israel un ap o khereste Juda.

Ezekiel 17:22

Kawa penell o baro Dewel, maro rai: Me phagau ko tikni kasht, hoi pralstunes ap i zedertikro ruk win was, un tchiwau les an i phub dren. Awa, me lau i pralstune kashtendar i terno newo kasht, un tchiwau les an i phub ap i berga, hoi bareder hi har halauter trul leste.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Daniel 7:13

Un me dikom an kau dikepen an i rat jekes, kai wi-dikas har i mensho. Kowa was mank i wolke bis pash ko phureste, un was glan leste anlo.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Zakarie 14:4

Job hi tardo ap o djeteskri berga, hoi glan o foro Jerusalem tchiddo hi, kote kai o kham pre djala. Un koi berga phagell mashkral an dui kotja, fun kotar kai o kham pre djal bis kote, kai o kham tele djal. Jek kotar djal ap i serwi rig, o wawar kotar ap i tchatchi rig. Un mank kol dui berge hi i buchli tala.

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

4. Mose 21:8

Koi penas o baro Dewel ap o Moseste: “Kre tuke i sap dran saster! Un tchip les ap i lengsto kasht! Koon dandedo was un dikell koi pre, kowa atchell djido.”

4. Mose 35:25

Un i Israelitarja hunte lenn kau murshes win dran o wast kolestar, kai kamell les te marell, un hunte anenn les pale pale an ko foro, kai nashas lo peske dren. Un job hunte atchell koi, bis ko pralstuno rashai meras, kai was o Debleskro djeteha dren maklo.

Mateo 1:22

Kowa lauter was jaake, te well ko lab tchatcho, hoi o Dewel ap peskro rakepaskro penas:

Mateo 16:21

Un ap ko tsiro penas o Jesus peskre malenge, te hunte djal lo an o foro Jerusalem. Un job penas lenge: “Me hunte lap bud duka ap mande. I bare rashaja, un i biboldengre phureder un tchatchepangre, kolla marenn man. Un pal triin diwessa krell man o Dewel djido.”

Mateo 26:54

Kowa te kroms, palle nai wals kowa gar tchatcho, hoi an o Debleskro lab tchinlo hi.”

Mateo 26:56

Kawa lauter hunte djas, te well tchatcho, hoi o Debleskre rakepangre glan i rah tsiro an pengre lila tchinan.” Har peskre mala kowa shunan, nashan le penge lauter lestar.

Markus 9:31

Un job penas peskre malenge: “O Mensheskro Tchawo well an i menshengre wasta dino, un jon marenn les. Un ap o triinto diwes pal leskro merepen, stell job pale i mulendar pre.”

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

Louka 22:37

Me penau tumenge: Hi tchinlo pral mande an o Debleskro lab: Jon penenn lestar, te hi lo jek lendar, kai tchilatcho hi. Tchatchepah, lauter, hoi pral mande tchinlo was, wella tchatcho.”

Louka 24:46

un penas ap lende: “Jaake hi tchinlo an o Debleskro lab: O Kristo, ko baro rai, kolestar o Dewel penas, te well job, kowa hunte lell duka ap peste, un pal triin diwessa stell lo i mulendar pre.

Louka 9:22

Un job penas: “Me, o Mensheskro Tchawo, hunte lap bud duka ap mande. I bare rashaja un i biboldengre phureder un tchatchepangre tchiwenn man ap i rig. Un me hunte wap mulo dino, un pal triin diwessa krell man o Dewel djido.”

Louka 9:44

“Ma bistrenn, hoi me tumenge penau: Me, o Mensheskro Tchawo, wau an i menshengre wasta dino!”

Johanni 3:14

Tu djineh, kai o Mose an o mulo them i sap ap i kasht pre bladas. Hakeno, koon dikas ap ko sap, atchas djido. Jaake hunte well o Mensheskro Tchawo ap o kasht bladedo,

Johanni 5:39

Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar.

Johanni 5:46

Tumer te patsenn tchatchepah, hoi o Mose tumenge penas, patsans tumer ninna ap mande. Job tchinas pral mande.

Bičepangre 13:40

Krenn lauter, te well gar kowa pral tumende, hoi o Debleskre rakepangre an pengre lila penan:

Bičepangre 2:27

Tu mukeh man gar pash i mulende, un kameh gar, te merell miro mass tele.

Bičepangre 3:18

Lauter was jaake, har o Dewel kowa penas. Leskre rakepangre penan glan i rah tsiro, kai hunte merell ko baro rai, kolestar o Dewel penas, te well job un lell i menshen dran o tchilatchepen win.

Bičepangre 7:37

Kowa his o Mose, kai ap lende penas: O Dewel bitchrell tumenge i Debleskro rakepaskres har me hom. Kowa hi jek tumare menshendar.

Hebrearja 10:1

Kowa, hoi an o Moseskre lila tchinlo hi, sikrell men gar o tselo bolepaskro brawlepen, hoi kamell o Dewel i menshende te dell. Na-a, i tikno kotar kolestar. Kolla, kai anenn marede viechen glan o Debleste, wenn gar doleske tchatcho un erligo glan leskre jaka. Te wans le tchatcho un erligo, hunte anans le gar hako bersh pale viechen glan leste.

Hebrearja 3:5

O Mose budras mishto o Debleskre menshenge. Kowa, hoi job kras un penas, sikras lende, hoi o Dewel kamas te krell an ko tsiro, hoi wella. Ninna te budras o Mose mishto, his lo i Debleskro budepaskro.

Hebrearja 7:1

O Melchisedek his o baro rai pral o foro Salem, ninna o baro rashai o baro Deblestar. An ko tsiro djas o Abraham an o kurepen, un maras i bare rajen pengre lurdentsa. Har job pale was, djas o Melchisedek pash leste, un rakras o Debleskri bacht pral leste win.

Hebrearja 9:8

Jaake sikrell men o Debleskro Ducho, kai kek nai djal an koi palstuni kutch isema, jaake rah, har hi koi glanstuni isema koi.

1. Petro 1:11

Jon kaman ninna ko tsiro te djinell, kai kowa wella. O Jesuseskro Ducho his an lende. Un kowa sikras len kol duka, hoi wenna pral o Jesuseste, un ko railepen, hoi lell lo pal kowa.

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”