Louka 24:11 - O Debleskro Drom 2021 (Sinte)

¹¹ Un kowa, hoi i djuwja penan, his i murshenge dinelo rakepen. Un jon patsan kol djuwjen gar.

O Debleskro Lab 2024 (Sinte-Manouche)

¹¹ Oun kova, hoy i djouvya penan, his i morshenge dinelo rakepen. Oun yon patsan kol djouvyen gar.

Louka 24:11 ပူးပေါင်းရင်းမြစ်များ

1. Mose 19:14

Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

2. Rajengro liil 7:2

Ko pralstuno lurdo, kai tchiwas pes o baro rai ap leskri mussi, penas ap ko Debleskro mursheste: “Ninna te krals o baro Dewel gomme kau diwes o bolepen pre un dals brishin, har nai djal kowa?” O Elisa penas: “Tire jakentsa dikeh tu kowa, un tchi chah tu kolestar.”

Hiob 9:16

Ninna te mukals lo man leha te rakrell, patsau me gar, te shunals lo ap miro rakepen.

Debleskri gili 126:1

I gili te giwell ap o drom an Jerusalem. Har anas men o baro Dewel pale pash i berga Zion, hams mer har sawe, hoi suni denna.

Markus 16:11

Un har jon shunan, kai job djiwella, un kai dikas li les, patsan le kowa gar.

Markus 16:13

Un kolla dui djan pale, un penan les kol wawar malenge. Kolen patsan le witar gar.

Markus 16:14

Koi pre, har kol deesh-te-jek pash o chapen beshdo his, mukas lo pes lendar te dikell un tchingras ap lende, kai hi lengre djia har barra, un te patsan le gar kolenge, kai les dikan, har job i mulendar pre stas.

Louka 24:25

Koi penas o Jesus ap lende: “Tumer haiwan tchi. An tumaro dji djal tchi dren. Hoske patsenn tumer kowa gar, hoi o Debleskre rakepangre glan i rah tsiro penan?

Louka 24:41

Jon nashte patsan gar, kai hi o Jesus glan lende tardo, jaake bachtelo his le. Har djinan le gar, hoi te penenn le, putchas lo lendar: “Hi tumen tchomone te chal?”

Bičepangre 12:9

Un o Petro djas leha dran o stilepen win. Job djinas gar, kai kowa lauter tchatchepen hi. Job patsas, te dell lo suni.