Louka 22:17 - O Debleskro Drom 2021 (Sinte)

¹⁷ Un o Jesus las o khoro, parkras pes pash o Debleste, un penas ap lende: “Ake, lenn un pijenn halauter kai mool!

O Debleskro Lab 2024 (Sinte-Manouche)

¹⁷ Oun o Yezous las o khoro, parkras pes pash o Debleste, oun penas ap lende: “Ake, lenn oun piyenn halauter kay mool!

Louka 22:17 ပူးပေါင်းရင်းမြစ်များ

Debleskri gili 116:13

Me anau les i khoro mool, te parkrap man pash leste, kai las lo man win dran o merepen.

Debleskri gili 23:5

Glan i jaka kolendar, hoi mange tchilatchepen kamenn, tchiweh tu mange latcho chapen pre. Miro shero makeh o djeteha, hoi mishto sungella. Miro khoro nashella pral.

Jeremia 16:7

Koi hi kek buder, kai dell chapen kolen, kai pral atchan un rowenn. Ninna te meras lengro dad un lengri dai, hi kek koi, kai dell len tchomone te pijell, te wenn le pale soreles.

Mateo 14:19

Palle penas lo ap kol tsele menshende, te beshenn le pen. Un job las kol pantch mare un kol dui matche, dikas pre, parkras pes pash peskro dadeste an o bolepen, un phagas kol mare an kotja, un das len peskre malende. Un kalla dan len i tsele menshende te chal.

Mateo 15:36

Un job las kol efta mare un kol matche, parkras pes pash o Debleste, un phagas len an kotja. Un job das len peskre malende, un kolla dan len halauterende, kai kote beshdo hi.

Mateo 26:26

Har jon chan, las o Jesus o maro, parkras pes pash o Debleste, phagas ko maro, das les peskre malende, un penas: “Ake, lenn ko maro un chan les! Kau maro hi miro mass.”

Markus 14:22

Har jon chan, las o Jesus o maro, parkras pes pash o Debleste, phagas ko maro, das les peskre malende, un penas: “Lenn ko maro un chan les! Kau maro hi miro mass!”

Louka 22:19

Un job las i kotar maro, parkras pes pash o Debleste, phagas ko maro, das kowa lende, un penas ap lende: “Ake, chan! Kau maro hi miro mass. Me dau man tumenge. Te hom buder gar koi, krenn kowa pale un pale, te well tumenge an tumaro shero, hoi me krom tumenge!”

Louka 9:16

Un job las kol pantch mare un kol dui matche, un dikas pre ap o bolepen, un parkras pes pash o Debleste. Un palle phagas job kol mare un matche an kotja, un das len peskre malende, te denn le len i menshende.

Remarja 14:6

Koon rikrell o Debleskro diwes bareder har i wawar diwessa, krell kowa o Debleske. Koon patsell, te nai chal lo lauter, krell kowa o Debleske un parkrell pes pash leste. Koon patsell, te nai chal lo gar lauter, kowa krell les ninna o Debleske, un sharell o Debles ninna.

1. Korintarja 10:16

Te wah khetne, te pijas dran o Jesuseskro khoro, parkrah men koleske pash o Debleste, un djinah, o Jesus Kristo ratas un meras menge un las mari doosh mendar krik. Te phagah ko maro un chah les, rikrell men kowa o Jesus Kristeha khetne.

1. Korintarja 11:23

Hoi me tumenge penom, kowa penas mange o rai Jesus. Koi rati, kai was ap maro rajeste, o Jesuseste, phukedo, las job ko maro,

5. Mose 8:10

Un te chan un wan tchales, palle sharenn tumaro baro Debles ko latcho themeske, hoi lo tumen das.

1. Samuel 9:13

palle taprenn tumer les gomme glan o chapen ap o drom ap i pralstuni platsa. I tsele menshe chajenn gar, bis te was lo un penas latche laba pral ko viecheste, hoi o Debleske maredo was. Palle chajenn kolla lauter khetne, kolenge penlo was, te wenn le pash kau chapen pashel. Djan sik, palle nai taprenn les gomme.”