Louka 21:12 - O Debleskro Drom 2021 (Sinte)

¹² Glan ko tsiro, kai kowa lauter wella, lenn jon tumen palla, un taprenn tumen. Jon anenn tumen glan i tchatchepangre an i biboldengre kangria un witsrenn tumen an o stilepen. Tumer patsenn ap mande. Doleske anenn le tumen glan i bare rajende un glan i pralstunende, te rakrenn jon i phagi win pral tumende.

O Debleskro Lab 2024 (Sinte-Manouche)

¹² Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Louka 21:12 ပူးပေါင်းရင်းမြစ်များ

Mateo 22:6

Un pale wawar tapran kol budepangren, praassan len, un maran len.

Mateo 24:8

Kowa lauter wella jaake pral i phub, har i duka wenn pral i djuwjate, kai lell i ternepen.

Louka 21:11

Un kai te koi well i phub soreles trisslemen. An bud themma hi i menshen gar doha te chal, un baro nasslepen well ap lende. Un jon dikenn i baro koowa ap o bolepen, hoi krell lenge bari daar.

Johanni 15:20

Rikrenn an tumaro shero, hoi me tumenge penom: I budepaskro hi gar bareder har leskro rai. Lan man jon palla, lenn jon tumen ninna palla. Te shunan jon ap kowa, hoi me lenge penom, shunenn jon ninna, hoi tumer lenge penenna.

Johanni 15:21

Tumer han miro. Doleske hi jon tchilatcho ap tumende. Jon prindjrenn koles gar, kai bitchras man.

Bičepangre 22:30

O wawar diwes kamas o pralstuno lurdo win te hatsell, hawi doosh kol bibolde ap o Pauleste pre anan. Un job las les dran o stilepen win, un penas, te wenn kol bare rashaja un kol tsele pralstune bibolde khetne. Un job anas o Paules glan lende.

Bičepangre 5:40

Palle dan jon o Jesuseskre bitchepangren gole, dan len dawa i tchupnijah, un dan len trad, te rakrenn le buder gar o Jesusestar. Un palle mukan le len te djal.

Bičepangre 8:3

O Saulo kras lauter, te nai marell lo i tsele patslen. Job djas an i khera, las len koi win, murshen har djuwjen, un witsras len an o stilepen.

Bičepangre 9:4

Un job peras ap i phub un shunas i rakepen. Kowa penas ap leste: “Saulo, Saulo, hoske leh tu man palla?”

1. Petro 2:13

Shunenn ap kowa, hoi kol pralstune ap kai phub penenna! Kowa kamell o Dewel, maro rai, jaake. Shunenn ap o baro rajeste pral o them!

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!