Louka 20:11 - O Debleskro Drom 2021 (Sinte)

¹¹ Koi bitchras ko mursh i wawar budepaskres pash lende. I hache dan les kek drake. Jon dan les ninna dawa, praassan les, un bitchran les krik.

O Debleskro Lab 2024 (Sinte-Manouche)

¹¹ Koy bičras ko morsh i vavar boudepaskres pash lende. I harhe dan les kek drake. Yon dan les ninna dava, praasan les, oun bičran les krik.

Louka 20:11 ပူးပေါင်းရင်းမြစ်များ

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Markus 12:4

Un ko mursh bitchras pale i wawar budepaskres pash lende. Un koles dan jon ap o shero, un praassan les.

Louka 20:10

Har ko tsiro was, te anenn le i drake dren, bitchras job i budepaskres pash i hachende, te lell lo lendar kol drake, hoi leske hi. I hache dan les kek drake. Jon dan les dawa un bitchran les krik.

Louka 20:12

O mursh bitchras i triinto budepaskres. I hache dan les ninna ratlo, un witsran les win.

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

1. Tessalonikarja 2:2

Glan ko tsiro, kai wam pash tumende, hams an o foro Filipi. Ninna te wam kote palla lino un dino, har tumer djinenn, djam pal kowa pash tumende an o foro Tessalonika. O Dewel das men i soor, te penas tumenge o Debleskro latcho lab, ninna te his pash tumende bud menshe, kai kran menge o djipen phares.