Louka 2:27 - O Debleskro Drom 2021 (Sinte)

²⁷ Un ap ko diwes, kai anan o Josef un i Maria pengro tchawes, o Jesuses, an o Debleskro baro kheer, te denn le les an o Debleskro wast, har kowa pal o biboldengro tchatchepen jaake his, koi anas o Debleskro Ducho o Simeones ninna an o Debleskro baro kheer.

O Debleskro Lab 2024 (Sinte-Manouche)

²⁷ Oun ap ko dives, kay anan o Yosef oun i Maria pengro čaves, o Yezouses, an o Debleskro baro kheer, te denn le les an o Debleskro vast, har kova pal o biboldengro čačepen yaake his, koy anas o Debleskro Dourho o Simeones ninna an o Debleskro baro kheer.

Louka 2:27 ပူးပေါင်းရင်းမြစ်များ

Mateo 4:1

Pal kowa anas o Debleskro Ducho o Jesuses an o mulo them, kai kamas les o beng o Debleskro dromestar tele te anell.

Louka 2:22

Star-deesh diwessa his i Maria pale-tchiddo, jaake har o Mose kowa an peskro liil tchinas. Pal kowa anan o Josef un i Maria kol ternepas an o Debleskro baro kheer an o foro Jerusalem, te denn le les an o Debleskro wast.

Louka 2:28

Un o Simeon las o tchawes ap i mussi, sharas o Debles, un penas:

Louka 2:41

Hako bersh, har wan kol bare diwessa, kai kharenna Passa, djan i Maria un o Josef an o foro Jerusalem. Un har o Jesus deesh-te-dui bersha phuro his, lan jon les peha.

Louka 2:48

Un har leskro dad un leskri dai les kote dikan, atchas lenge o rakepen krik. Un leskri dai penas ap leste: “Tchawa, hoske kreh tu mentsa sawo koowa? Me un tiro dad, har rodam tut, hams i darjatar mulo.”

Louka 2:51

Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

Louka 4:1

Un o Jesus his pherdo Debleskro Ducho. Un job mukas o them pash o pani Jordan. Un o Debleskro Ducho anas les an o mulo them.

Bičepangre 10:19

Har djas o Petreske kowa an o shero trujel, hoi job dikas, koi penas o Debleskro Ducho ap leste: “Dik, triin mursha rodenn tut.

Bičepangre 11:12

Un o Debleskro Ducho penas ap mande: Pats, hoi jon tuke penenna! Dja lentsa! Un me djom shob phralentsa an o kheer ko murshestar, kai kol triin murshen pash mande bitchras.

Bičepangre 16:7

Har jon an o them Misia wan, kaman le dureder an o them Bitinia te djal. Un o Jesuseskro Ducho mukas len gar kote te djal.

Bičepangre 8:29

Koi penas o Debleskro Ducho ap o Filipeste: “Dja pash ko wurdin un atch koi pashel!”

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

Debleskro tsiro 1:10

Ap o Debleskro diwes was o Debleskro Ducho soreles pral mande. Un me shunom pal mande i sorelo rakepen. Kowa his har i gole, hoi dell i phurdepaskri.

Debleskro tsiro 17:3

Un o Debleskro Ducho was pral mande. Un o bolepaskro anas man an o mulo them. Un me dikom i djuwel ap i lolo viecho beshdo, hoi les efta shere un deesh shinga his. Un ap koleste his sawe laba tchinlo, hoi praassenn o Debles.