Louka 18:20 - O Debleskro Drom 2021 (Sinte)

²⁰ Tu prindjreh kol deesh Debleskre laba: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma pen chochepen pral jekeste! Dik ap tiro dadeste un ap tiri date, te djal lenge mishto!”

O Debleskro Lab 2024 (Sinte-Manouche)

²⁰ Tou prindjreh kol deesh Debleskre laba: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma mare kekes! Ma čore! Ma pen rhorhepen pral yekeste! Dik ap tiro dadeste oun ap tiri date, te djal lenge mishto!”

Louka 18:20 ပူးပေါင်းရင်းမြစ်များ

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Louka 18:19

Penas o Jesus ap leste: “Hoske peneh tu: Latcho sikepaskro! ap mande? Kek mensho hi latcho. O Dewel kokres hi latcho.

Louka 18:21

Koi penas job: “Me krom kowa lauter jaake rah, har me djiwau.”

Remarja 13:9

An o Debleskro lab hi tchinlo: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma dik tchilatche jakentsa ap kowa, hoi o wawareskro hi! Lauter kowa, hoi o Dewel tutar kamella, hi an ko jek lab khetne lino: Ab jaake latches ap o wawareste har hal latcho ap tute!

Remarja 3:20

Te kamell lo te krell, hoi o Dewel an o Moseskre laba penell, haiwell lo ninna, te nai krell lo kowa gar. Kol laba sikrenn les, te hi lo tchilatcho glan o Debleste.

Efesarja 6:2

O Dewel penell menge: Dik ap tiro dadeste un ap tiri date, te djal lenge mishto! Koon kowa krella, koleske djal mishto, un job djiwell i rah djipen ap i phub.

Kolossarja 3:20

Tumer tchawe, shunenn hako tsiro ap tumaro dadeste un ap tumari date! Kowa kamell o rai Jesus tumendar.