Louka 18:12 - O Debleskro Drom 2021 (Sinte)

¹² Dui diwessa an o kurko chau me tchi, te mangap tut an. Un me dau tut o deshto kotar halauterestar, hoi dren lau.

O Debleskro Lab 2024 (Sinte-Manouche)

¹² Douy divessa an o kourko rhau me či, te mangap tout an. Oun me dau tout o deshto kotar halauterestar, hoy dren lau.

Louka 18:12 ပူးပေါင်းရင်းမြစ်များ

2. Rajengro liil 10:16

un penas: “Am mantsa un dik har miri tseli sorjah o baro Debleske koi hom!” Un job mukas les peha ulerell ap peskro wurdin.

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Maleachi 3:8

Me putchau tumendar: Hi mishto i menshestar, te tchorell lo o Deblestar har tumer mandar tchorenna? Koi pre penenn tumer: ‘Hoi kram, har tchoram tutar?’ Tumer denn man gar o deshto halauterestar, hoi dren lan, witar gar kowa, hoi hunte dans i rashajende.

4. Mose 18:24

Kowa, hoi i Israelitarja mange anenna, ko deshto kotar lauterestar, hoi ap lengre phub bares was, kowa dau me kol Levitarjen. Kowa hi lengro brawlepen. Doleske penom me ap lende, te well len kek kotar phub, har kol wawar Israelitarja lenna.

4. Mose 23:4

Un o Dewel mukas pes glan o Bileam te dikell. Kowa penas ap leste: “Efta chatchepangre krom me, un ap haki chatchepaskri chatchrom i terno gurum un i bakro.”

Mateo 5:20

Un me penau tumenge: Tumer nai djiwenn gar o Debleha khetne an o bolepen, te krenn tumer gar, hoi o Dewel kamella. Un tumer hunte krenn kowa feteder, har i biboldengre tchatchepangre un i Farisarja kowa krenna.

Mateo 6:1

Denn jak, har krenn tumer latcho koowa! Ma krenn les jaake, te dikenn i menshe kowa un sharenn tumen! Koon tumendar kowa krella, koles dell tumaro dad an o bolepen kek latchepen pale.

Mateo 6:16

Te chan tumer i tikno tsiro tchi, te mangenn o Debles an, palle krenn kowa gar jaake, te dikenn i menshe kowa! Ma krenn har kolla, kai hi len dui djia! Jon sikrenn ap pengro mui, te bokenn le pengro Debleske. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Mateo 6:5

Tu te rakreh o Debleha, palle ma kre kowa har kolla, kai hi len dui djia. Jon kamenn, te dikenn len i menshe, har jon an i biboldengre kangria un ap o drom tardo hi, un o Debleha rakrenna. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Mateo 9:14

Palle wan o Johanneskre mala pash o Jesuseste, un penan ap leste: “Mer un i Farisarja chah un pijah i tsiro tchi, te mangas o Debles an. Hoske krenn tire mala kowa gar?”

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

Louka 17:10

Jaake hi kowa ninna tumentsa. Te kran tumer lauter, hoi o Dewel tumenge penas, palle penenn: Mer ham tire budepangre. Mer kram, hoi hunte kram.”

Remarja 3:27

Koon nai sharell pes kanna? Kowa, kai rikras pes ap kol laba, hoi penenna, har te djiwas mer? Na-a, les hi tchi, te sharell lo pes. Kowa hi tchatcho glan o Debleste, kai ap o Jesus Kristeste patsella.

1. Korintarja 1:29

Jaake sharell pes nai kek mensho glan o Debleste.

Galatarja 1:14

Me rikrom man ap o biboldengro patsepen feteder har bud wawar bibolde, kai jaake phuro his har me. Miri tseli sorjah kamom kowa te krell, hoi mare phure penan.

Efesarja 2:9

Kowa kras lo gar doleske, kai tumer latcho koowa kran. Jaake sharell nai pes kek mensho glan o Debleste.

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.

1. Samuel 15:13

Un har o Samuel pash o Saul was, penas o Saul ap leste: “O baro Dewel dell tut bacht! Me krom lauter, hoi o baro Dewel penas.”