Louka 17:34 - O Debleskro Drom 2021 (Sinte)

³⁴ Me penau tumenge: Te hi an koi rati dui menshe an o tchiben tchiddo, well ko jek krik lino, ko wawar atchell koi.

O Debleskro Lab 2024 (Sinte-Manouche)

³⁴ Me penau t'menge: Te hi an koy rati douy menshe an o čiben čiddo, vell ko yek krik lino, ko vavar ačell koy.

Louka 17:34 ပူးပေါင်းရင်းမြစ်များ

Debleskri gili 26:9

Ma de man mulo khetne i tchilatchentsa! Le mange gar o djipen khetne kolentsa, kai ap rat win djan,

Debleskri gili 28:3

Ma kre mantsa har i tchilatchentsa un kolentsa, kai krenn i wawarenge tchilatchepen, kai rakrenn latches, un an lengro dji hi tchilatchepen!

Jesaja 42:9

Kowa, hoi glan i rah tsiro penom, kowa was. Kanna penau newo koowa glan-wi. Glan o tsiro, kai kowa wella, mukau me les tumen te shunell.

Jeremia 45:5

Un tu kameh tuke baro koowa? Wals feteder te kamess tchi! Me mukau bibacht te well pral i tsele menshende, penell o baro Dewel. Tu atcheh djido, kai tu ninna djah, ninna te atchell tuke tchi har tiro djipen.

Mateo 24:25

Ma bistrenn, hoi me tumenge penom!

Markus 13:23

Denn jak ap tumende! Me penom tumenge kowa lauter, te djinenn les ap ko tsiro, kai kowa wella.

Markus 14:29

O Petro penas ap leste: “Ninna te nashenn halauter tutar krik, me mukau tut gar.”

Louka 13:24

Un o Jesus penas pale: “Krenn lauter, te djan an ko tikno wudar dren! Me penau tumenge: Bud kamenn an ko wudar dren te djal. Un haiwenn kowa gar.

Louka 13:3

Na-a, penau me tumenge. Tumer te mukenn gar tumaro tchilatcho drom, un djan ap o Debleskro drom, palle wenna tumer lauter ninna jaake maredo.

Louka 13:5

Na-a, penau me tumenge. Te mukenn tumer gar tumaro tchilatcho drom, un djan ap o Debleskro drom, palle wenna tumer lauter ninna jaake maredo.”

Louka 17:33

Koon kamell peskro djipen te rikrell, kowa nashrell les. Koon peskro djipen nashrella, kowa lell les pale.

Louka 17:35

Dui djuwja krenn dran djob jarro. Koi jek well krik lino, koi wawar atchell koi.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.