Louka 16:8 - O Debleskro Drom 2021 (Sinte)

⁸ Un ko rai sharas ko chocheno budepaskres doleske, kai his lo gosewo.” “Un kowa hi tchatcho”, penas o Jesus, “kol menshe, kai prindjrenn o Debles gar, djan gosweder trujel i wawar menshentsa har kolla, kai djan ap o Debleskro drom.

O Debleskro Lab 2024 (Sinte-Manouche)

⁸ Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Louka 16:8 ပူးပေါင်းရင်းမြစ်များ

1. Mose 3:1

O sap his gosweder har i tsele wawar vieche, hoi kras o baro Dewel, maro rai. Un o sap penas ap i romjate: “Penas o Dewel tchatchepah, te hunte chan gar i rukendar an i baar?”

2. Samuel 13:3

O Amnones his i maal. Kowa kharas Jonadab. Leskro dad his o Davideskro phraal Shimea. Un ko Jonadab his i gosewo mursh.

2. Rajengro liil 10:19

Denn kol tsele murshen pash mande gole, kai hi leskre rakepangre, budepangre un rashaja. Kek hunte atchell krik. Me anau i baro chapen o debleske Baal. Koon gar wella, well mulo dino.” O Jehues his pal i kanda un kras kowa lauter, te dell lo i tsele murshen mulo, kai o debles Baal an-mangan.

Debleskri gili 17:14

Baro Dewel, tiro wasteha le man win dran o wast kol menshendar, kai djiwenn i phubjake. Lengro brawlepen lenn jon an kau djipen! Tu kreh lengro per pherdo ko koowa, hoi tu lenge deh. Ninna lengre tchawe wenn tchalo, un mukenn pral pengre tchawenge.

2. Mose 1:10

Mer hunte hatsas i drom, te wenn jon gar gomme budeder. Te phagals i baro kurepen win, nai dans pen jon ap i wawar rig, un mer hunte kurams men lentsa, un jon djans dran ko them win.”

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

Mateo 12:32

Un jek te penell djungele laba pral o Menshengro Tchaweste, jaake nai bistrell lo kowa. Jek te rakrell djungele laba pral o Debleskro Ducho, kowa bistrell lo an kek tsiro, gar an kau tsiro, un witar gar an ko tsiro, kai wella.

Mateo 17:26

Penas o Petro: “I wi-themarja hunte denn kol lowe ap i bare rajende.” “Mishto,” penas o Jesus, “jaake hunte plaissrenna lengre menshe tchi ap lende.

Louka 16:10

“Koon an i tikno koowa lauter mishto krella, kowa krell ninna an i baro koowa lauter mishto. Koon i tikno koowa gar mishto krella, kowa krell ninna i baro koowa gar mishto.

Louka 16:4

Me djinau kanna, hoi te krap, te lenn jon man pash pende pre ap ko diwes, kai hi man buder kek budi.

Louka 16:7

Un te putchas lo i wawarestar: Har bud sijaan hi tut? Un kowa penas: Sheel gone djob. Palle penas lo ap koleste: Le ko liil, kai tiro sijaan dren tardo hi, un tchin kanna: ochta-deesh!

Louka 18:6

Koi penas o Jesus: “Shunenn tumer, hoi ko tchilatcho tchatchepaskro rai penas?

Louka 20:34

Penas o Jesus lenge: “I menshe ap kai phub romedinerenna un mukenn pen te romedinerell.

Louka 20:35

Kol mulen, kai o Dewel djido krella, te djiwenn le pash leste, kolla romedinerenn buder gar un wenna gar romedino.

Johanni 12:36

Patsenn ap koi momeli, jaake rah har tumen koi momeli hi! Palle wenn tumer menshe, kolen hi i momeli ap pengro drom un djiwenn gar an o tamlepen.” Har o Jesus kowa ap lende penas, djas lo peske, un khatras pes lendar.

1. Korintarja 3:18

Ma chochenn tumen kokres! Koon patsella, te hi lo gosewo ap kai phub, kowa hunte dikell dren, te molella leskro goswepen tchi.

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

Filiparja 3:19

Jon djan ap i drom, kai djan le nashedo. Lengro per hi lengro Dewel. Jon sharenn ko djungelo koowa, hoi kran le, un hunte ladjans pen pral kowa. Kowa, hoi an lengro shero trujel djala, hi phubjakro koowa.

1. Tessalonikarja 5:5

Tumer lauter djan ap o tchatcho drom, un djiwenn gar an o tchilatchepen. Kowa hi har te djiwenn ap o diwes, un gar an i rat.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.