Louka 15:22 - O Debleskro Drom 2021 (Sinte)

²² Koi penas o dad ap peskre budepangre: Anenn sik o feteder ripen, un riwenn kowa leske an! Denn les i gustri un denn les kircha!

O Debleskro Lab 2024 (Sinte-Manouche)

²² Koy penas o dad ap peskre boudepangre: Anenn sik o feteder ripen, oun rivenn kova leske an! Denn les i goustri oun denn les kirrha!

Louka 15:22 ပူးပေါင်းရင်းမြစ်များ

1. Mose 41:42

Un o baro rai las peskri gustri peskro wastestar un tchiwas les ap o Josefeskro wast. Un das les ripja dran shukar laintikro than. Ninna tchiwas lo i sonakaskri werkli trul leskri meen.

Ester 3:10

O baro rai las peskri gustri o gushto tele. Un das koi gustri an o Hamaneskro wast, kai kamas i bibolden te marell. Koleskro dad his o Hammedata kol menshendar Agag.

Ester 8:2

Un las peskri gustri, hoi job o Hamanestar krik las, un das lat o Mordekai. Un i Ester tchiwas o Mordekajes pral o Hamaneskro tselo kheer.

Debleskri gili 132:16

Lengre rashajenge dau an o dji, te penenn le miro latchepen dureder. Un kol menshe, kai mire hi, denn gole i bachtjatar.

Debleskri gili 132:9

Tchip o tchatchepen pral tire rashaja har i ripen! Mu denn tire menshe gole i bachtjatar!

Debleskri gili 18:33

Job hi kowa, kai dell man soor un krell i latcho drom glan mande.

Debleskri gili 45:13

I menshe dran o foro Tirus wenn pash tute un anenn tuke shukar koowa. I brawele dran o tselo them wenna, un rodenn te dikess kamles ap lende.

Kamlepaskri gili 7:1

Risse tut trujel, risse tut trujel, Sulamit! Risse tut pash mende, te nai dikas tut! Hoi kamenn tumer ap i Sulamit te dikell, har khelell li mank i wawarende?

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Louka 15:21

Koi penas o tchawo ap leste: Tata, me krom i tchilatcho koowa, kai me djom tutar un o Deblestar krik. Un me hom gar moldo, te atchap tiro tchawo.

Louka 15:23

Anenn i terni thulli grumni! Marenn lat, te chas un was bachtelo!

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Galatarja 3:27

Har wan tumer ap o Jesus Kristeskro lab taufedo, his kowa jaake, har te riwans tumer o Jesus Kristes an, – jaake har i ripen.

Efesarja 6:15

Djan pash i menshende, un penenn lenge o latcho lab, te kras o Jesus Kristo i drom, kai o Dewel un i menshe mala wenna! Kowa hi jaake, har te riwenn tumer sorele kircha.

5. Mose 33:25

Job mu djiwell kek darjah pal wudja, hoi hi pandlo sasteha. Un an peskro tselo djipen mu atchell leske leskri soor!

Debleskro tsiro 19:8

Un joi las i shukar ripen dran djudjo parno than. Ko latcho parno ripen hi o tchatcho koowa, hoi o Debleskre menshe kran.

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”

Debleskro tsiro 3:18

Doleske penau tumenge: Ginenn mandar sonakai, sawo sonakai, hoi an i jag thodo was, jaake te wenn tumer tchatchepah brawelo. Ginenn mandar ninna parne ripja, un riwenn kolla ap tumende, te han buder gar nango, un hunte ladjenn tumen buder gar. Un ginenn kutch djet, un makenn tumare jaka, te nai dikenn pale!

Debleskro tsiro 6:11

Un hakenes lendar las i parno ripen. Un jek penas ap lende: “Mukenn tele i tikno tsiro! Tumare phrala, kai budrenn o Debleske har tumer budran, kolendar wenna ninna maredo, jaake bud har o Dewel mukell, te wenn le maredo.”

Debleskro tsiro 7:9

Pal kowa dikom me bud menshen, jaake bud, te nai penell kek, kitse jon hi. Kolla wenna dran hako them, haki natsjona, haki harmenatsjona un hako rakepen. Un jon his khetne tardo glan o rajeskro beshepaskro un glan ko terno bakro. Len his parne ripja ap lende un bare patria an lengre wasta.