Louka 15:2 - O Debleskro Drom 2021 (Sinte)

² Kol Farisarja un i biboldengre tchatchepangre his chojemen pral o Jesuseste un penan: “Kau mursh lell i pale-tchidde pash peste pre, un chal lentsa.”

O Debleskro Lab 2024 (Sinte-Manouche)

² Kol Farisarya oun i biboldengre čačepangre his rhoyemen pral o Yezouseste oun penan: “Kava morsh lell i pale-čidde pash peste pre, oun rhal lentsa.”

Louka 15:2 ပူးပေါင်းရင်းမြစ်များ

Mateo 11:19

Un me, o Mensheskro Tchawo, me wom, chom un pijom, un mandar penenn le: “Kowa hi i baro chapaskro un i pipaskro. Kowa hi i maal kolendar, kai lenn i biboldendar lowe i Remarjenge dren. Un kowa hi i maal kolendar, kai tchilatcho koowa kran un doleske pale-tchiddo hi.” Ninna te rakrenn le jaake, dikenn le ap o Debleskre menshende, kai kowa tchatcho hi, hoi o Dewel krella.

Mateo 9:11

Un har i Farisarja kowa dikan, penan le ap i Jesuseskre malende: “Hoske chal tumaro sikepaskro kolentsa, kai lenna i biboldendar kol lowe i Remarjenge dren, un kol wawarentsa, kai ninna pale-tchiddo hi?”

Louka 15:3

Koi penas o Jesus lenge laba, kai i khatedo tchatchepen dren hi, un penas:

Louka 19:7

Har jon kowa dikan, his jon chojemen un penan: “Pash i pale-tchiddo djal job an o kheer.”

Louka 5:30

Un i Farisarja un i biboldengre tchatchepangre his chojemen ap o Jesuseste. Un jon penan ap leskre malende: “Hoske chan tumer kolentsa, kai lenna lowe i Remarjenge dren, un kol wawarentsa, kai ninna tchilatcho koowa kran un doleske pale-tchiddo hi?”

Louka 7:34

Un me, o Mensheskro Tchawo, me wom, chom un pijom, un mandar penenn tumer: Kawa hi i chapaskro un i pipaskro. Kawa hi i maal kolendar, kai lenn i biboldendar lowe i Remarjenge dren, un i maal kol wawarendar, kai tchilatcho koowa kran un doleske ninna pale-tchiddo hi.

Louka 7:39

Har o Farisari kowa lauter dikas, penas lo ap peste kokres: “Te wals kau rom tchatchepah i Debleskro rakepaskro, hunte djinals lo, hawi djuwel les an-tapras. Job hunte djinals, te hi li pale-tchiddo.”

Bičepangre 11:3

Un jon penan ap leste: “Tu djal pash kolende, kai hi gar bibolde, un chal lentsa.”

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.