Louka 15:13 - O Debleskro Drom 2021 (Sinte)

¹³ Pal i tikno tsiro las o terneder tchawo peskro tselo brawlepen, un djas an i wawar them, djiwas i shukar djipen, un das peskro tselo brawlepen win.

O Debleskro Lab 2024 (Sinte-Manouche)

¹³ Pal i tikno tsiro las o terneder čavo peskro tselo bravlepen, oun djas an i vavar them, djivas i shoukar djipen, oun das peskro tselo bravlepen vin.

Louka 15:13 ပူးပေါင်းရင်းမြစ်များ

Debleskri gili 73:27

Koon tutar krik djal, djal tele. Un koon mukell tut, koles aneh an o mulengro them.

Gosewe laba 18:9

I tchi-moldo, kai kamell gar te budrell, hi gar feteder har kowa, kai marepen un merepen anell.

Gosewe laba 21:17

Kowa, kai kamell i shukar djipen un dell bud lowe koleske win, kowa well tchorwelo. Un kowa, kai kamell mool un kutch djet makepaske, well gar brawelo.

Gosewe laba 21:20

I shukar brawlepen un kutch djet hi an o kheer kolestar, kai gosewo hi. I dinelo dell peskre lowe sikeder win, har lell lo len.

Gosewe laba 27:8

Har i tchirklo, hoi krik djal dran peskri nesta, jaake hi ko mursh, kai hunte nashell peske dur krik dran peskro foro.

Gosewe laba 28:7

Kowa, kai o Debleskro drom djal, haiwell, hoi mishto un gar mishto hi. Kowa, kai i maal kolentsa hi, kai tchi-molde hi, anell ladj ap peskro dadeste.

Gosewe laba 29:3

Kowa, kai kamell o goswepen, krell peskro dades bachtelo. Kowa, kai pes lubjentsa dren mukell, nashrell peskro brawlepen.

Gosewe laba 6:26

Tu djineh, i lubjake hunte dess gar budeder har jek maro. I romjake i wawar murshestar hunte dess tiro djipen.

Jesaja 1:4

Tumenge djal djungelo, tumer tchilatche menshe, kai anan jaake bud doosh ap tumende! Tumer han bede, tchawe, kai molenn tchi! Tumer mukan o baro Debles, kamenn tchi buder te djinell o Israeleskro Deblestar, kai kokres o Dewel hi, un sikran leske tumaro dumo.

Jesaja 22:13

Un hoi krenn tumer? Tumer sanenn un khelenn, marenn grumjen un bakren, chan mass un pijenn mool. Tumer penenn: “Mukenn men te chal un te pijell, taissar merah mer!”

Jesaja 30:11

Djan tele tumaro dromestar! Mukenn o tchatcho drom! Penenn menge buder gar, hoi o Israeleskro Dewel penell.”

Jesaja 56:12

Jon denn gole: Awenn kai, me kamau mool te anell, te pijas men mates! Un taissar krah har kau diwes, un gomme shukeder!

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Jeremia 2:31

O baro Dewel penell: Tumer tchilatche menshe! Denn garda ap kowa, hoi me tumenge penau! Hom me i Israelenge i mulo them, i them, kai kek pani hi? Hoske penenn mire menshe: ‘Mer nai djah, kai kamah, un hunte nashas tuke gar buder gar pal.’

Jeremia 2:5

Kowa penell o baro Dewel: Hawo djungelo koowa hatsan tumare phure ap mande, kai djan jon mandar krik, un mangan figuren an, kai kek dewel hi. Un jaake djan le tele.

Micha 6:3

Hoi krom tumenge, mire menshe? Tchiwom i phari budi ap tumende? Penenn les mange!

Louka 15:12

Ko terneder penas ap peskro dadeste: De man kanna kowa, hoi me lau pal tiro merepen! Un o dad das hakenes peskro kotar.

Louka 15:14

Har les his buder tchi, was i bari bok pral o them un les his buder tchi te chal.

Louka 15:30

Tiro tchawo, kai was kanna pale khere, kowa, kai das tire lowe win i lubjentsa, koleske maral i terni thulli grumni.

Louka 16:1

O Jesus penas ninna ap peskre malende: “His i brawelo mursh. Koles his i budepaskro, kai chochras les un das leskro brawlepen win. Har ko brawelo kowa shunas,

Louka 16:19

Un o Jesus penas pale: Koi his i brawelo mursh. Kowa his hako tsiro shukar un railes rido, un djiwas i shukar djipen.

Efesarja 2:13

Ap ko tsiro hans tumer dur o Deblestar. Kanna prindjrenn les. O Jesus Kristo anas tumen ap peskro drom, har job ap o trushel peskro rat tumenge ratas.

Efesarja 2:17

O Jesus Kristo was, un sikras lauteren o drom pash o Debleste. Tumen, kai tumer dur o Deblestar hans, un ninna i bibolden, kai gar dur o Deblestar his, sikras lo ko drom, te djiwas mer lauter pash leste khetne.

2. Petro 2:13

Jon kran tchilatchepen, un tchilatchepen well pral lende. Jon chan pen nasselo, un pijenn pen mato ninna ap o diwes. Lenge hunte ladjenn tumen, te chan le pen pash tumende tchalo, un rakrenn lengro chochepen.