Louka 14:7 - O Debleskro Drom 2021 (Sinte)

⁷ Un o Jesus dikas, har kolla, kai an o kheer dren wan, penge i feteder beshepangre win rodan. Doleske penas lo lenge laba, kai i khatedo tchatchepen dren hi, un penas:

O Debleskro Lab 2024 (Sinte-Manouche)

⁷ Oun o Yezous dikas, har kolla, kay an o kheer dren van, penge i feteder beshepangre vin rodan. Doleske penas lo lenge laba, kay i khatedo čačepen dren hi, oun penas:

Louka 14:7 ပူးပေါင်းရင်းမြစ်များ

Gosewe laba 25:7

Hi feteder, te penenn le ap tute ‘ab kate pre’, har te bitchrenn le tut tele kotar, kai beshal tut, un denn tiri beshepaskri i wawareste, kai budeder an-diklo hi.

Gosewe laba 8:1

O goswepen hi har i dai, kai dell tut gole, har i pheen, kai mukell pes te shunell.

Ezekiel 17:2

Tu, mensho, pen i menshenge dran o kheer Israel phare laba, un putch lendar, hoi kamenn kolla te penell!

Mateo 13:34

Kowa lauter rakras o Jesus ap lende sawe labentsa, kai i khatedo tchatchepen dren hi. Wawartchandes rakras lo gar ap lende.

Mateo 23:6

Pash i baro chapen kamenn le ap i feteder beshepangre te beshell. Un an i biboldengre kangria kamenn le ap i pralstune beshepangre te beshell.

Louka 11:43

Tumer Farisarja, hoi tumer krenna, ko hi gar mishto. Tumer kamenn ap i pralstune beshepangre an i biboldengri kangri te beshell. Un tumer kamenn, te penenn i menshe ap o drom: Latcho diwes, mo rai, ap tumende.

Louka 20:46

“Denn jak! Kowa, hoi kol biboldengre tchatchepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe Latcho diwes, mo rai! ap lende. Ninna kamenn le ap i pralstune beshepangre te beshell an i biboldengri kangri un ap i feteder beshepangre pash i baro chapen.

Filiparja 2:3

Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

3. Johanni 1:9

Me tchinom i tikno liil ap i patslende, kai kote khetne wenna, kai hal. Jek lendar hi o Diotrefes. Kowa kamell o pralstuno mashkral lende te well, un shunell gar ap mande.

Čačepangre 14:12

Un o Simson penas ap lende: “Me kamau tumen tchomone phares te putchell un dikell, koon kowa djinella. Un te hatsenn kowa an kal efta diwessa win, kai chah un pijah khetne, palle dau me tumen trijanda laintikre gada, un trijanda shukar ripja.