Louka 14:18 - O Debleskro Drom 2021 (Sinte)

¹⁸ Jek pal o wawar penan, te nai wan le gar. Ko jek penas: Me ginom i kotar phub, un me djap koi un dikap, har kowa wi-dikella. Me nai wau gar.

O Debleskro Lab 2024 (Sinte-Manouche)

¹⁸ Yek pal o vavar penan, te nay van le gar. Ko yek penas: Me ginom i kotar phoub, oun me djap koy oun dikap, har kova vi-dikella. Me nay vau gar.

Louka 14:18 ပူးပေါင်းရင်းမြစ်များ

Jeremia 6:10

Koneha rakrap me? Koneske penap tutar? Koon shunella koi pre? Lengre kanda hi pandlo. Jon nai shunenn gar, hoi tu lenge kameh te penell, un san pral tire laba, un choirenn pen pral lende.

Louka 14:17

Un ap ko tsiro, kai job kamas pes tele te beshell, bitchras lo i budepaskres pash lende, te penell lo: Awenn! Chapen un pipen hi lauter koi.

Louka 14:19

Ko duito penas: Me ginom deesh grumja, un djau kanna kote, te dikap, har jon wi-dikenna. Me nai wau gar.

Louka 18:24

Un o Jesus dikas, kai kol laba les dukan. Un job penas: “Har pharo hi i brawelenge, te wenn le ap o Debleskro drom.

Louka 8:14

Ko kotar phub, kai o djob mashkral i subjengre burra peras, hi har o dji kol menshendar, kai shunenn o Debleskro lab un rikrenn les i tsiro an pengre djia. Te well i daar an lengro djipen, un te well o brawlepen glan lengre jaka, un ko shukar djipen, palle well ko lab lendar tassedo un rakrell buder gar an lengre djia.

Johanni 1:11

Job was an peskro them, un leskre menshe lan les gar pre.

Johanni 5:40

Pash mande kamenn tumer gar te well, te lenn ko djipen, hoi gar pre-herella.

Filiparja 3:4

Me nai sharoms man ninna, te rikrom menshengro koowa. Jek te sharell pes, te hi lo tchinlo ap peskro mass, palle nai sharoms man budeder.

2. Timoteo 4:10

O Demas mukas man, un djas an o foro Tessalonika. Job kamell o djipen ap kai phub. O Kreskens djas an o them Galatia, un o Tito an o them Dalmatia.

2. Timoteo 4:4

Palle shunenn jon buder gar ap o tchatchepen. Jon shunenn ap chochene parmisse.

Hebrearja 12:16

Denn garda, te krell kek tumendar wi-ladjedo koowa, witar gar, te djiwell jek har o Esau, koleske o Debleskro latchepen tchi moldo his! Job his o phureder tchawo, un les hi o tchatchepen, te lell lo peskro dadeskro brawlepen pal koleskro merepen. Was i diwes, kai was les bok, un job bikras ko tchatchepen, te lell lo i tcharo latcho chapen.