Louka 13:6 - O Debleskro Drom 2021 (Sinte)

⁶ Un o Jesus penas lenge laba, kai i khatedo tchatchepen dren hi. Un penas: “I murshes his i faigetikro ruk an peskro baar tardo. Un job was bud kope, un rodas faige ap ko ruk un hatsas kek.

O Debleskro Lab 2024 (Sinte-Manouche)

⁶ Oun o Yezous penas lenge laba, kay i khatedo čačepen dren hi. Oun penas: “I morshes his i faygetikro rouk an peskro baar tardo. Oun yob vas boud kope, oun rodas fayge ap ko rouk oun hatsas kek.

Louka 13:6 ပူးပေါင်းရင်းမြစ်များ

Jeremia 2:21

Me tchiwom tut dren har i wi-rodedo drakengro ruk, i latcho shukar ruk. Un hoi was kanna dran tute? I diwjo djungelo ruk!

Jeremia 8:13

Te kamau pash mire menshende latchepen te hatsell, hom har i hacho, kai kamell drake un faige dren te lell, un kai hatsell kek drake un kek faige ap i ruka. Ninna kol patria peran tele, penell o baro Dewel. Doleske dom kal menshen pre. Wawar menshe lenn penge lengro them.

Louka 13:5

Na-a, penau me tumenge. Te mukenn tumer gar tumaro tchilatcho drom, un djan ap o Debleskro drom, palle wenna tumer lauter ninna jaake maredo.”

Louka 3:9

Tumer han har ruka, kai o tower pashel tchiddo hi, te wenn le tele dino. Hako ruk, kai well kek latcho koowa baro pre, well tele dino, un an i jag witsedo.”

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Filiparja 4:17

Me penau kowa gar, te denn mange tchomone. Na-a, kamau, te denn tumer o Debleske tchomone, te sharell job tumen.

Čačepangre 9:11

Kote penas o faigetikro ruk: Hidjap me buder gar gudle un latche rukengre, te djap koi, te hadap mire kashta pral i wawar ruka?