Louka 13:32 - O Debleskro Drom 2021 (Sinte)

³² Koi penas o Jesus ap lende: “Djan un penenn ko tchilatcho mursheske: Kau diwes un taissar tradau i bengen win, un krau i menshen sasto. Un pal triin diwessa hi miro tselo koowa kerdo.

O Debleskro Lab 2024 (Sinte-Manouche)

³² Koy penas o Yezous ap lende: “Djan oun penenn ko čilačo morsheske: Kava dives oun taysar tradau i bengen vin, oun krau i menshen sasto. Oun pal triin divessa hi miro tselo koova kerdo.

Louka 13:32 ပူးပေါင်းရင်းမြစ်များ

Kamlepaskri gili 2:15

Taprenn menge i diwje djukle, kol tikne diwje djukle, hoi krenn o moljengro them paash! Mare drakengre ruka hidjrenn knospe.

Ezekiel 13:4

Tumer Israelitarja, kolla, kai penenn, te hi le tumaro Debleskre rakepangre, hi har diwje djukle, kai rodenn chapen mank i barra o tele-phagedo forestar.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Markus 6:14

Ninna o baro rai, o Herodes, shunas o Jesusestar. An o tselo them rakran le lestar. I menshe penan: “O Johanni, kowa, kai i menshen taufras, stas i mulendar pre. Doleske hi les i soor, te krell lo sawo baro koowa.”

Johanni 10:32

O Jesus penas lenge: “Me krom bud latcho koowa. Miro dad penas mange, te krap kowa. Hoi hi ko latcho koowa, koleske kamenn man mulo te dell?”

Johanni 19:30

Har pijas o Jesus koi shutli mool, penas lo: “Me krom lauter, hoi hunte krom.” Un job tchiwas peskro shero glan tele, un meras.

Hebrearja 2:10

O Dewel kamas, te wenn bud menshe peskre tchawe, un lenn leskro railepen. Doleske hunte las peskro tchawo duka un merepen ap peste, te nai anell lo len ap ko drom, kai lenn le o Debleskro djipen. Jaake his kowa mishto glan o Debleskre jaka, kai lauter kras, un koleske lauter kerdo was.

Hebrearja 5:9

Un job kras kowa lauter, un tchi atchas pral, hoi hunte krals lo gomme. Jaake nai lell lo lauteren, kai ap leste shunenna, hako tsireske dran o tchilatchepen un o merepen win.

Hebrearja 7:28

Kol wawar bare rashaja hi menshe un gar sorelo, un nai krenn gar mishto kowa, hoi o Dewel lendar kamella. Jon wan rashaja jaake, har o Mose an peskre lila tchinas. Bud tsiro palla, das o Dewel peskro lab, un das peskro wast koi pre, te well leskro tchawo i baro rashai hako tsireske. Job krell lauter mishto, hoi o Dewel lestar kamella.