Louka 13:3 - O Debleskro Drom 2021 (Sinte)

³ Na-a, penau me tumenge. Tumer te mukenn gar tumaro tchilatcho drom, un djan ap o Debleskro drom, palle wenna tumer lauter ninna jaake maredo.

O Debleskro Lab 2024 (Sinte-Manouche)

³ Na-a, penau me t'menge. T'mer te moukenn gar t'maro čilačo drom, oun djan ap o Debleskro drom, palle venna t'mer lauter ninna yaake maredo.

Louka 13:3 ပူးပေါင်းရင်းမြစ်များ

Mateo 12:45

Koi rodell lo peske wawar efta benga, kai tchilatcheder hi har job. Un jon djan an ko mensheste dren, un djiwenn an leste. Jaake hi ko mensheha djungleder har glan kau tsiro. Un jaake djal ninna kal tchilatche menshenge, kai kanna djiwenna.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

Mateo 3:2

Un job penas i menshenge: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Louka 13:2

Koi penas o Jesus ap lende: “Un kanna putchenn tumer mandar: His kol menshe tchilatcheder har kol wawar an o them Galilea, kai wan jon jaake maredo?

Louka 13:4

Hoi hi kol menshentsa, kai ko baro kheer an o gab Siloah ap lende peras un jon meran? Hi kol menshe tchilatcheder har kol wawar an o foro Jerusalem, kai koi djiwan?

Louka 13:5

Na-a, penau me tumenge. Te mukenn tumer gar tumaro tchilatcho drom, un djan ap o Debleskro drom, palle wenna tumer lauter ninna jaake maredo.”

Louka 24:47

Un an peskro lab hunte well i menshenge an hake themma penlo, te mukenn le pengro tchilatcho drom, un djan ap o Debleskro drom, jaake kai lell o Dewel lengri doosh lendar krik. Penenn kowa i menshenge an o foro Jerusalem, un palle an i wawar themma!

Bičepangre 3:19

Mukenn tumaro phuro djipen un awenn pash o Debleste, te lell job tumari doosh tumendar!