Louka 12:20 - O Debleskro Drom 2021 (Sinte)

²⁰ O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

O Debleskro Lab 2024 (Sinte-Manouche)

²⁰ O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 12:20 ပူးပေါင်းရင်းမြစ်များ

Ester 5:11

Glan lende phurdas pes o Haman pre un penas lenge, har baro leskro brawlepen hi, un kitse mursh tchawe les hi, un har hadas les o baro rai un tchiwas les pral i tsele pralstunende un pral i tsele rajeskre budepangre.

Hiob 27:8

Ap hoi nai rikrell pes kowa, kai kamell tchi o Deblestar te djinell, te well ko tsiro, kai lo hunte merell, un o Dewel leskro djipen lestar lell?

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Debleskri gili 49:10

te nai djiwell lo hako tsiro, un hunte merell gar.

Debleskri gili 73:19

Ap jek kopo hi le buder gar koi. Lengro merepen nai wals gar djungleder!

Debleskri gili 78:30

Har his le gomme pash o chapen un mass an lengro mui,

Gosewe laba 10:2

Tchoredo brawlepen hi tchitcheske. O tchatchepen lell tut dran o merepen win.

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Gosewe laba 13:7

Kote hi jek, kai krell, har te wals lo brawelo. Un les hi tchi. Un kote hi jek, kai krell, har te wals lo tchorwelo. Un les hi bud brawlepen.

Gosewe laba 27:1

Ma share tut pral kowa, hoi hi tut glan o wawar diwes! Tu djineh gar, hoi tuke ko diwes anell.

Gosewe laba 28:8

Kowa, kai bare lowe kolendar lell, kolen pash leste sijaan hi, un krell pes koleha braweles, koleskro brawlepen lell sawo mensho, koles i baro dji i tchorwelenge hi un lende dell.

Jesaja 56:12

Jon denn gole: Awenn kai, me kamau mool te anell, te pijas men mates! Un taissar krah har kau diwes, un gomme shukeder!

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Amos 6:13

Tumer phurdenn tumen pre pral o foro Lo-Dabar, un penenn: Mari sorjah lam o foro Karnajim dren.

Nahum 1:10

Tumer han tchi har subjengre kashta, hoi tchi-moldo hi, un hoi an i jag witsedo wenn, un pre-chatchenn har truk phuss, te atchell tchi lendar pral.

Louka 11:40

Tumer haiwan tchi! O Dewel, kai kras o tselo menshes, kras ninna leskro dji.

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

1. Timoteo 6:7

Mer anam tchi ap kai phub, un nai lah tchi peha, te merah.

Jakobo 4:14

Jaake rakrenn tumer un djinenn gar, hoi taissar hi! Tumaro djipen hi har i ducho, hoi atchella gar. Tumer han i tikno tsiro djido. Un ap jek kopo han tumer buder gar koi.