Louka 11:44 - O Debleskro Drom 2021 (Sinte)

⁴⁴ Tumer Farisarja, hoi tumer krenna, ko hi gar mishto. Tumer han har i handako, hoi tele an i phub hi. Un i menshe djan pral wergel, un djinenn gar, kai i mule koi paskedo hi.”

O Debleskro Lab 2024 (Sinte-Manouche)

⁴⁴ T'mer Farisarya, hoy t'mer krenna, ko hi gar mishto. T'mer han har i handako, hoy tele an i phoub hi. Oun i menshe djan pral vergel, oun djinenn gar, kay i moule koy paskedo hi.”

Louka 11:44 ပူးပေါင်းရင်းမြစ်များ

Debleskri gili 5:9

Baro Dewel, sike man o drom, hoi tchatcho hi glan tute! Kre mange o drom, hoi te djap! Muk kolen te dikell, kai mange tchilatchepen kamenna, kai hal tu ap miri rig!

Ezekiel 39:15

Un te djan kolla an o them trujel un hatsenn menshengre kokale, palle hunte tchiwenn le i sikepen pre, hoi sikrell, te hi i mulo koi tchiddo, bis te wenn kolla, kai paskrenn ko mules an i Tala Hamon Gog,

Hosea 9:8

Miro Dewel bitchras man, leskro rakepaskres, te dap jak ap tumende an o them Efrajim. Un tumer tchiwenn i netsa win ap mire tsele dromma, te taprenn man har i tchirkles. Ninna an o kheer miro Deblestar lenn tumer man palla.

4. Mose 19:16

Ninna kowa, kai tapras i menshes an, kai meras win ap o them, hi pale-tchiddo efta diwessa. Kowa hi ninna jaake, te was ko mulo mensho kote temerl dino o chareha. Ninna kowa well pale-tchiddo efta diwessa, koon taprell ap i muleskre kokale, ninna kowa, kai taprell ap koi phub, kai o mulo paskedo hi, – job well pale-tchiddo efta diwessa.

Mateo 13:32

O senftikro djob hi tikneder har ko tselo wawar djob. Job te well baro, well lo bareder har i tsele wawar burra. Dran leste well i ruk. Un i tchirkle wenna, un djiwenn ap leste.

Bičepangre 23:3

Koi penas o Paulo ap leste: “O Dewel mu te dell tut! Tu rakreh i menshenge pal o mui. Tu hal kate beshdo, te rakress o tchatchepen pral mande win pal o biboldengro tchatchepen. Un tu mukeh man dawa te dell. Kowa hi gar pal o biboldengro tchatchepen.”