Louka 11:40 - O Debleskro Drom 2021 (Sinte)

⁴⁰ Tumer haiwan tchi! O Dewel, kai kras o tselo menshes, kras ninna leskro dji.

O Debleskro Lab 2024 (Sinte-Manouche)

⁴⁰ T'mer hayvan či! O Devel, kay kras o tselo menshes, kras ninna leskro dji.

Louka 11:40 ပူးပေါင်းရင်းမြစ်များ

1. Mose 1:26

Un o Dewel penas: “Kanna krah menshen. Jon wenn jaake har mer. Jon hi rai pral i matchende an o baro pani un pral i tchirklende an o bolepen, pral i diwje viechende un pral kolende, kai gar diwje hi, ninna pral i tikne viechende, hoi djan pral i phub.”

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

Debleskri gili 14:1

I gili o rajeske pral i gipangre. O David kras kai gili. Dinele hi le, kai rakrenn penge: “O Dewel dell pes gar!” Tchi-molde hi le! I ladj hi kowa, hoi jon krenn. Kek hi koi, kai krell latchepen.

Debleskri gili 33:15

Job tchiwell lenge an o dji, hoi te krenn le, un dell jak ap lauter, hoi jon krenna.

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Gosewe laba 8:5

Haiwenn tumer tchi? Palle denn jak ap gosewe laba! Han tumer dinelo? Palle dikenn dren, hoi tumenge mishto hi!

Jeremia 5:21

Shunenn kai, tumer menshe, kai tumen tchi an o shero hi, kai len jaka hi, un dikenn tchi, kai len kanda hi un shunenn tchi!

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

4. Mose 16:22

Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

Mateo 23:17

Tumer han dinelo un korelo! Hi o Debleskro baro kheer gar budeder moldo har o sonakai, hoi an koleste hi un doleske i Debleskro koowa hi?

Mateo 23:26

Tu Farisari, tu hal korelo. Kre tiro dji djudjo! Palle well tuke o tselo wawar koowa ninna djudjo.

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

Louka 24:25

Koi penas o Jesus ap lende: “Tumer haiwan tchi. An tumaro dji djal tchi dren. Hoske patsenn tumer kowa gar, hoi o Debleskre rakepangre glan i rah tsiro penan?

1. Korintarja 15:36

Me, o Paulo, penau tuke: Har nai putcheh tu jaake dineles? Dik ap o djob, hoi tu an i phub tchiweh! Kowa hunte merell, te well lo djido un baro.

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.