Louka 11:24 - O Debleskro Drom 2021 (Sinte)

²⁴ “Te djas i beng dran i mensheste win, nashell job an i them trujel, kai kek djipen hi, un rodell peske, kai atchell job nai. Job te hatsell tchi, penell lo ap peste: Me kamau pale an miro kheer te djal, dran hoi me win djom.

O Debleskro Lab 2024 (Sinte-Manouche)

²⁴ “Te djas i beng dran i mensheste vin, nashell yob an i them trouyel, kay kek djipen hi, oun rodell peske, kay ačell yob nay. Yob te hatsell či, penell lo ap peste: Me kamau pale an miro kheer te djal, dran hoy me vin djom.

Louka 11:24 ပူးပေါင်းရင်းမြစ်များ

Hiob 1:7

Un o baro Dewel putchas o benges: “Kai weh tu?” Un o beng penas ap o baro Debleste: “Wau i phubjatar. Kote djom trujel.”

Hiob 2:2

Un o baro Dewel penas ap o beng: “Fun kai weh tu?” Un o beng penas ap leste: “Wau i phubjatar. Kote djom trujel.”

Debleskri gili 63:1

I gili o Davidestar. Job kras kai gili an o mulo tato them Juda.

Gosewe laba 4:16

Kol menshe nai sowenn gar jaake rah bis te kran le tchomone tchilatcho. Lenge well o sopen randedo, te anan le gar jekes an i bibacht.

Jesaja 35:7

Kote, kai jaake tato his, well pani khetne un atchell tardo. Un kote, kai jaake truk his, krenn panja i phub sapeno. Kote, kai i diwje djukle tchiddo his, well panjeskro khass un shilftikro khass.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jesaja 48:22

Kau tselo latcho koowa, hi gar i tchilatchenge, penell o baro Dewel.

Markus 5:10

Un job mangas o Jesusestar, te tradell lo len gar dran ko them win.

Markus 9:25

Un o Jesus dikas, kai nashan bud menshe pash leste khetne. Koi das lo ko benges trad, un penas ap leste: “Tu beng, kai rakreh un shuneh nashte gar, me penau tuke: Dja win lestar, un dja buder gar an leste dren!”

Louka 11:25

Un te well lo pale, hi ko kheer djudjo un shukar.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.