Louka 11:20 - O Debleskro Drom 2021 (Sinte)

²⁰ Na-a, me tradau i bengen dran o Debleskri soor win. Ap kowa dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

O Debleskro Lab 2024 (Sinte-Manouche)

²⁰ Na-a, me tradau i bengen dran o Debleskri zoor vin. Ap kova dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Louka 11:20 ပူးပေါင်းရင်းမြစ်များ

2. Mose 8:19

Un tu dikess, te hi wawartchandes pash mire menshende har pash tire menshende. Ko baro koowa well taissar pral tumende.’”

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Mateo 12:28

Na-a, gar o beng das man koi soor. O Debleskro Ducho das man koi soor, te nai tradap i bengen win. Koi pre dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

Mateo 3:2

Un job penas i menshenge: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Mateo 4:24

Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Louka 10:11

Ninna koi tchik dran tumaro foro, hoi ap mare pire hi, tchiwah mer tele. Kowa sikrell tumen, kai tumer kaman gar, te well o Dewel tumaro rai.

Louka 10:9

Krenn sasto kol nasselen, kai kote hi! Un penenn i menshenge: O tsiro well sik, kai lell o Dewel i menshen dran o tchilatchepen win.”

Louka 11:21

Te dell i sorelo mursh garda ap peskro baro kheer, un les hi i charo an o wast, nai tchorell leske i wawar tchi.

Bičepangre 20:25

Me djom pash bud menshende un penom lenge, te dell o Dewel len pash peste gole, te lell lo len dran o tchilatchepen win. Kanna shunenn: Me djinau, kai dikenn tumer halauter man buder gar pale.

2. Tessalonikarja 1:5

Ap kowa lauter dikenn tumer, kai djal o Dewel pal o tchatchepen ap ko diwes, kai rakrell lo o tchatchepen win pral i menshende. Tumer, kai lan leske bud pharo koowa ap tumende, lell lo pash peste. Tumer han leske moldo, te djiwenn leha khetne an o bolepen.