Louka 11:13 - O Debleskro Drom 2021 (Sinte)

¹³ Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen peskro Ducho kolende, kai les mangenna.”

O Debleskro Lab 2024 (Sinte-Manouche)

¹³ Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen peskro Dourho kolende, kay les mangenna.”

Louka 11:13 ပူးပေါင်းရင်းမြစ်များ

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Debleskri gili 51:5

Awa, djinau, kai anom doosh ap mande. Un ko tchilatcho koowa, hoi krom, hi man o tselo tsiro glan mire jaka.

Gosewe laba 1:23

Te shunans ap mande, har dom tumen trad, sikroms tumende, hoi an miro dji hi, un mukoms tumen mire laba te haiwell.

Jesaja 49:15

Bistrell i djuwel peskro ternepen? Hi lat gar i kamlo dji leske, hoi joi ap i phub anas? Un ninna te bistrals koja les nai, me bistrau tut gar.

Ezekiel 36:27

Me dau miro ducho an tumende, un me krau sawe menshe tumendar, kai krenn, hoi tumendar kamau, un djiwenn pal mire tchatchepaskre laba, un rikrenn len dren.

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Mateo 6:14

Tumer te bistrenn o tchilatcho koowa, hoi i wawar ap tumende kran, palle bistrell tumaro dad an o bolepen ninna o tchilatchepen, hoi tumer kran.

Mateo 6:30

O Dewel kras o senlepen jaake shukar, hoi kau diwes win tardo hi, un o wawar diwes an o bob witsedo wella. Kitse kope budeder nai dell lo tumen an-ripaske! Hoske hi tumaro patsepen jaake tikno?

Mateo 6:32

Kowa krenn kol menshe, kai prindjrenn o Debles gar. Tumaro dad an o bolepen djinella, hoi tumen hunte well djipaske.

Mateo 7:11

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

Louka 11:12

Witar gar dell kek dad peskro tchawes i skorpiono, te mangas job lestar i jaro.

Louka 11:2

Penas o Jesus ap peskre malende: “Te rakrenn o Debleha, penenn: Maro dad, tiro lab well sharedo. Te well ko tsiro sik, kai tu o rai hal pral i tseli phub!

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Johanni 4:10

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

Bičepangre 2:38

Koi penas o Petro ap lende: “Tumer anan doosh ap tumende. Mangenn tumen tele glan o Debleste! Un mukenn tumen ap o Jesus Kristeskro lab te taufrell, te lell o Dewel tumari doosh tumendar tele, un te lenn tumer o Debleskro Ducho!

Remarja 5:17

Jaake har ko jek mursh, o Adam, i tchilatcho koowa kras, un o merepen anas ap i tsele menshende, jaake anas ninna jek mensho, o Jesus Kristo, o Debleskro djipen. Ko djipen len kolla, kolen o Dewel dran peskro baro latchepen tchatcho kras glan leste.

Remarja 7:18

Me djinau, kek latchepen djiwella an mande – an miro mass. Me kamau o latchepen te krell, un man hi kek soor, te krap les.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.